Dainik Maval News : मावळ विधानसभा मतदारसंघामध्ये मतदान प्रक्रिया शेवटच्या टप्प्यात आली आहे. मतदार यादी अंतिम करण्यात आली असून मावळ मतदारसंघात एकूण ३ लाख ८६ हजार ३०१ मतदार संख्या आहेत. त्यात १ लाख ९७ हजार ४३६ पुरुष, १ लाख ८८ हजार ७२३ महिला, १३ इतर व १२९ सर्व्हिस मतदार आहेत, अशी माहिती निवडणूक अधिकारी सुरेंद्र नवले व सहाय्यक निवडणूक अधिकरी विक्रम देशमुख यांनी दिली.
मावळ विधानसभा मतदारसंघामध्ये सहा उमेदवार निवडणुकीच्या रिंगणात आहेत. त्यात सुनील शेळके, रवींद्र वाघचौरे, मुकेश आगरवाल, बापू भेगडे, गोपाळ तंतरपाळे, पांडुरंग चव्हाण यांचा समावेश आहे. या उमेदवारांच्या नमुना सात ‘अ’ ला मुख्य निवडणूक अधिकाऱ्यांकडून मान्यता देण्यात आली आहे. मतदान केंद्रावर ‘पीडब्लूडी’ म्हणजे दिव्यांग मतदार यांच्यासाठी रॅम्प सुविधा, व्हीलचेअर सुविधा उपलब्ध करून देण्यात येत आहे.
इतर कोणत्या मदतीची आवश्यकता आहे, याची शहानिशा करण्यात येत आहे. मतदान कर्मचाऱ्यांसाठी पहिले प्रशिक्षण पूर्ण झाले आहे. जिल्हाधिकारी व निवडणूक निर्णय अधिकारी यांच्या उपस्थितीत दुसरे रँडमायझेशन पूर्ण करण्यात आले आहे. सर्व्हिस मतदारांची पोस्टल बॅलेट इलेक्ट्रॉनिक्स ट्रान्समिट प्रक्रिया पूर्ण करण्यात आल्याची माहितीही त्यांनी दिली.
( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअ‍ॅप चॅनेलवर )
अधिक वाचा –
– पुसाणे गावच्या हद्दीत गावठी दारू अड्ड्यावर पोलिसांची कारवाई, महिलेवर गुन्हा दाखल । Maval Crime
– मावळ विधानसभा मतदारसंघातील उमेदवारांच्या खर्च तपासणीचे वेळापत्रक जाहीर – पाहा वेळापत्रक । Maval Vidhan Sabha
– श्री संत तुकाराम सहकारी साखर कारखान्याचा मोळी पूजन समारंभ सोमवारी पार पडणार । Maval News
