Dainik Maval News : ऐन सणासुदीच्या तोंडावर खासगी ट्रॅव्हल्स वाहतूकीत भाडेवाढ करून प्रवाशांची होणारी लुटमार थांबविण्याबाबत वाहतूक विभागाने योग्य कारवाही करावी, याबाबत राष्ट्रवादी काँगेस पार्टी वाहतूक विभागाच्या वतीने उपप्रादेशिक परिवहन अधिकारी राहूल जाधव यांना निवेदन देण्यात आले.
यावेळी सहाय्यक प्रादेशिक परिवहन अधिकारी पवन नव्हाडे उपस्थित होते. तसेच यावेळी वाहतूक विभाग अध्यक्ष विनोद वरखडे, शहर उपाध्यक्ष स्वप्निल चव्हाण, शहरकार्याध्यक्ष अकबर शेख, सामाजिक कार्यकर्ते संजिवकुमार डोणापुरगे, भरत मोहोड, आप्पा दौंडे, संजीव रत्नजी तसेच राष्ट्रवादी कार्यकर्ते उपस्थित होते.
सदर निवेदनात, सध्या सणासुदीचे दिवस सुरू आहेत, त्यातच दिवाळी सणाच्या पार्श्वभूमीवर खाजगी ट्रॅव्हल्स चालकांकडून तिकीट दरामध्ये मोठ्या प्रमाणात वाढ केली जाते. त्यामुळे गोर गरिब प्रवाशांना नाहक जास्त दर द्यावा लागत आहे, म्हणून त्यास आळा घालणे आवश्यक आहे. पिंपरी-चिंचवड व पुणे येथे मोठे औद्योगिक क्षेत्र असल्यामुळे, तसेच शिक्षणाचे माहेरघर असल्या कारणाने कामगार तसेच विद्यार्थी पिंपरी-चिंचवड व पुणे येथे वास्तव्यास आहेत. त्यामुळे दिवाळी सणासाठी हे विद्यार्थी व कामगार तसेच नागरिक सणासाठी गावी जातात.
खास करून विदर्भ, उत्तर महाराष्ट्र ,मराठवाडा या ठिकाणी जाणाऱ्यांची संख्या खूप मोठी असते. तसेच आत्ताच रेल्वेचे बुकिंग फुल्ल झाले असून एसटी महामंडळाकडे पण खूप मोठी गर्दी असते. त्यामुळे प्रवासी नागरिकांना ट्रॅव्हल्स हाच पर्याय शिल्लक असतो, मात्र ट्रॅव्हल्स चालकांकडून या या काळात मोठ्या प्रमाणात तिकीट दर वाढवले जातात. तसेच काही ठिकाणी तिकीट दरामध्ये दुप्पट तिप्पट वाढ केली जाते. या कारणामुळे प्रवाशांना विनाकारण भुर्दंड सहन करावा लागत आहे.
नागरिकांना या त्रासापासून सुटका होऊन त्यांची होणारी लुटमार थांबावी, अशी अपेक्षा वाहतुक विभागाने व्यक्त केली आहे. दिवाळी सण दरम्यान प्रवासी खाजगी बसची वाहतूक पथकामार्फत तपासणी करावी. तिकीट बुकिंग काउंटरवर देखील जाऊन चेकिंग करावी व गैरप्रकार आढळल्यास कारवाही करावी, अशी मागणी करण्यात आली आहे.
( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअ‍ॅप चॅनेलवर )
अधिक वाचा –
– महाराष्ट्र विधानसभा निवडणूकीचं बिगुल वाजलं : 20 नोव्हेंबरला मतदान, 23 नोव्हेंबरला मतमोजणी, आजपासून आचारसंहिता लागू । Maharashtra Vidhansabha Election
– मोठी बातमी ! दुपारी 12 वाजता होणार राज्यपाल नियुक्त सात आमदारांचा शपथविधी, ‘हे’ 7 जण बनणार आमदार
– तळेगावमधील कुंभारवाडा परिसराचे नामकरण श्री संत गोरोबाकाका नगर असे करण्याची मागणी । Talegaon Dabhade
