Dainik Maval News : लोणावळा शहरातील बाजारपेठ भाग, रायवूड परिसर, भांगरवाडी या परिसरामध्ये मागील काही दिवसापासून वारंवार वीज पुरवठा खंडित होत असल्याने व्यापारी वर्ग आणि नागरिक त्रस्त झाले आहेत.
मागील दोन महिन्यांपासून विजेचा लपंडाव सुरू आहे. दिवसभरामध्ये किमान चार ते पाच वेळा लाईट जाते, यामुळे व्यवसायिकांचे नुकसान होत आहे. सध्या उन्हाची तीव्रता वाढली असून अशात विजेचा लपंडाव होत असल्याने फ्रीज, कुलर, एसी, पंखे आदी उपकरणे बंद पडल्यास सर्वांनाच मनस्ताप सहन करावा लागतो.
महाराष्ट्र राज्य वीज वितरण कंपनीच्या भांगरवाडी येथील कार्यालयामध्ये वारंवार तक्रार करून देखील समस्येमध्ये सुधारणा होत नसल्याने लोणावळा बाजारभागातील व्यापारी वर्गाने अखेर महाराष्ट्र राज्य वीज वितरण कंपनीच्या नांगरगाव येथील कार्यालयावर मोर्चा काढला होता.
महावितरणचे अभियंता चव्हाण यांची भेट घेत व्यापारी वर्गाने आपली समस्या त्यांच्यासमोर मांडली तसेच वारंवार वीज पुरवठा खंडित होत असल्यामुळे होणारा त्रास हा देखील त्यांना विशद करण्यात आला. आठवडाभरामध्ये वीज खंडित होण्याची समस्या सोडवून सर्व कामे पूर्ण करण्याचे आश्वासन वीज वितरण अधिकाऱ्यांकडून देण्यात आले असल्याचे व्यापारी वर्गाकडून सांगण्यात आले.
अधिक वाचा –
– 30 मे पर्यंत तळेगाव शहरातील रस्त्यांची कामे पूर्ण करा ; आढावा बैठकीत आमदार सुनील शेळके यांची सूचना । MLA Sunil Shelke
– लोणावळा शहरात उद्धव ठाकरेंच्या पक्षाला खिंडार, अनेक आजी-माजी पदाधिकारी शिंदेंच्या शिवसेनेत दाखल । Lonavala News
– मुंबई-पुणे मिसिंग लिंक : कुठलीही तडजोड न करता पुलाचे काम काळजीपूर्वक करण्याचे एकनाथ शिंदे यांचे निर्देश । Mumbai Pune Missing Link
– शिळींब गावात ग्रामदैवत श्री काळभैरवनाथ मंदिराचा जीर्णोद्धार सोहळा उत्साहात ; कीर्तन सोहळ्याला आमदार सुनील शेळके यांची उपस्थिती । Maval News
