कामशेत, दि. ६ (प्रतिनिधी) – जुन्या पुणे-मुंबई महामार्गालगत असलेल्या एका भंगाराच्या दुकानाला सोमवारी ( दि. ६ एप्रिल ) दुपारी अचानक भीषण आग लागल्याची घटना घडली. दुपारी सुमारे ३:३० वाजण्याच्या सुमारास लागलेल्या या आगीमुळे परिसरात एकच खळबळ उडाली.
आगीची तीव्रता इतकी प्रचंड होती की काही मिनिटांतच भंगाराचे मोठे ढिगारे पेट घेत गेले. यामुळे परिसरात दाट काळ्या धुराचे लोट पसरले होते. हे धुराचे ढग तब्बल २ ते ३ किलोमीटर अंतरावरूनही स्पष्टपणे दिसत होते. त्यामुळे नागरिकांमध्ये भीतीचे वातावरण निर्माण झाले होते.
आगीची तीव्रता लक्षात घेता सुरक्षेच्या कारणास्तव काही काळासाठी पुणे-मुंबई महामार्गावरील वाहतूक थांबवण्यात आली होती. त्यामुळे वाहनांची काही प्रमाणात कोंडीही झाली.
सुदैवाने या घटनेत कोणतीही जीवितहानी झालेली नाही. मात्र भंगार साहित्याचे मोठ्या प्रमाणात नुकसान झाले आहे. प्राथमिक अंदाजानुसार लाखोंचा तोटा झाल्याचे सांगितले जात आहे. दरम्यान आग लागण्याचे नेमके कारण अद्याप समजू शकले नसून संबंधित यंत्रणेकडून या घटनेचा अधिक तपास सुरू आहे.
( दैनिक मावळचा व्हॉट्सअॅप चॅनेल जॉइन करण्यासाठी इथे क्लिक करा )
अधिक वाचा :
– आमदार सुनील शेळके यांच्या आदेशाचे पालन करीत राष्ट्रवादी काँग्रेसच्या 9 संचालकांचे राजीनामे, 4 संचालकांकडून मात्र ‘वेट अँड वॉच’ची भूमिका
– लोणावळा शहराचा ‘स्मार्ट सिटी’ धर्तीवर विकास आराखड्यास गती ; ‘एआय’ आधारित CCTV, रस्ते सुशोभीकरण व ट्रॅफिक व्यवस्थापनावर भर
– आजिवली येथील रक्तदान शिबिरात १५ महिलांसह एकूण ८० जणांचे रक्तदान ; २३१ जणांची मोफत नेत्र तपासणी
– भाजपाचा धोबीपछाड, नेत्यांचा थयथयाट ! बाजार समितीतील राष्ट्रवादीच्या सर्व संचालकांना राजीनामे देण्याचे आदेश ? नक्की काय घडलं
