अजित दादा पवार यांनी मावळ लोकसभा मतदारसंघात महायुतीचे उमेदवार खासदार श्रीरंग आप्पा बारणे यांना निवडून आणण्यासाठी पूर्ण ताकद लावून लढण्याचे आदेश दिले आहेत. त्याप्रमाणे मावळ तालुक्यातील कार्यकर्ते जोरात तयारीला लागले आहेत, अशी माहिती राष्ट्रवादी काँग्रेसचे मावळ तालुका अध्यक्ष गणेश खांडगे यांनी दिली. ( मावळ, पिंपरी-चिंचवड, पुणे परिसरातील ताज्या अपडेट्ससाठी दैनिक मावळचा व्हॉट्सअॅप चॅनेल जॉईन करा )
मावळ लोकसभा मतदारसंघातील शिवसेना-भाजप-राष्ट्रवादी व मित्रपक्ष महायुतीचे उमेदवार श्रीरंग आप्पा बारणे यांनी मावळ तालुका राष्ट्रवादी काँग्रेसचे अध्यक्ष गणेश खांडगे यांची तळेगाव दाभाडे येथे सदिच्छा भेट घेतली. यावेळी राष्ट्रवादीचे तालुकाध्यक्ष गणेश खांडगे यांनी खासदार श्रीरंग बारणे यांचे जोरदार स्वागत केले. लोकसभा निवडणुकीच्या अनुषंगाने आप्पा बारणे व खांडगे यांच्यात चर्चा झाली. मावळ लोकसभा मतदारसंघातून मोठ्या फरकाने विजयी होऊ, असा विश्वास श्रीरंग आप्पा बारणे यांनी यावेळी व्यक्त केला. ( Maval Lok Sabha Constituency Shrirang Barane Met NCP Taluka President Ganesh Khandge )
यावेळी श्रीरंग बारणे यांच्या समवेत शिवसेना जिल्हाप्रमुख बाळासाहेब वाल्हेकर, युवा सेना जिल्हाप्रमुख राजेंद्र तरस, शिवसेनेचे पिंपरी चिंचवड शहर प्रमुख निलेश तरस, देहूगाव शहर प्रमुख सुनील हगवणे, मावळ तालुका संघटक सुनील तथा मुन्ना मोरे आधी पदाधिकारी उपस्थित होते. तर, राष्ट्रवादीचे माजी तालुकाध्यक्ष विठ्ठलराव शिंदे, राष्ट्रवादी काँग्रेसचे कार्याध्यक्ष साहेबराव कारके, ग्रामीण ब्लॉक अध्यक्ष संदीप कारके, भरत भोते, रूपेश घोजगे, शिवाजी असवले, विक्रम कदम, राज खांडभोर, प्रशांत भागवत, सुहास गरूड, केशव कुल यांसह इतर मान्यवर उपस्थित होते.
अधिक वाचा –
– देशात पहिल्यांदाच सहकारी गृहनिर्माण संस्थांमध्ये मतदान केंद्रे! मूळ संकल्पना पुण्याची, शहरातील 35 गृहनिर्माण संस्थांमध्ये मतदान केंद्रे
– वडगाव येथे मावळ तालुका महाविकास आघाडीच्या मध्यवर्ती कार्यालयाचे उद्घाटन । Vadgaon Maval
– मावळ तालुका वारकरी संप्रदाय मंडळाच्या वर्धापन दिनानिमित्त ज्येष्ठ आणि निष्ठावंत वारकरी बांधवांना ‘मावळ रत्न’ पुरस्कार
