मावळ तालुका सहकारी खरेदी विक्री संघाच्या नूतन पदाधिकाऱ्यांनी बारामती तालुका खरेदी विक्री संघाच्या विविध प्रकल्पांचा पाहणी दौरा केला असून बारामती संघाच्या प्रमाणे मावळ तालुक्यातील संघाला आर्थिकदृष्ट्या सक्षम बनविणारे प्रकल्प सुरू करण्याचा निश्चय केला आहे. ( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
खरेदी विक्री संघाचे सभापती शिवाजी असवले, उपसभापती अमोल भोईरकर, संचालक बाजीराव वाजे, रुपेश घोजगे, माणिक गाडे, गणेश विनोदे, शहाजी कडू, एकनाथ येवले, विष्णू घरदाळे, प्रमोद दळवी, शरद नखाते, सचिव किरण लोहर यांनी बारामती येथील खरेदी विक्री संघाच्या विविध प्रकल्पांची पाहणी करत संघाच्या कार्यपद्धतीचा अभ्यास केला. ( Maval Taluka Kharedi Vikri Sangh Members Study Tour to Baramati )
- दोन महिन्यांपूर्वी संघाची निवडणूक झाल्यानंतर दुसऱ्याच मासिक सभेत नूतन संचालक मंडळाने बारामती संघाला भेट देऊन तेथील प्रकल्प व कामकाज याची माहिती घेण्याचा निर्णय केला होता, त्यानुसार या दौऱ्याचे आयोजन करण्यात आले होते. बारामती संघाचे चेअरमन विक्रम भोसले, संचालक शिवाजीराव टेंगळे, रवींद्र माने, उदयसिंग धुमाळ, मॅनेजर लोणकर यांनी सर्व प्रकल्पांबाबत सविस्तर माहिती दिली.
यामध्ये प्रामुख्याने बारामती संघाच्या वतीने चालविण्यात येणारे पेट्रोलपंप, सी एन जी पंप, मेडिकल व्यवसाय, खते, औषधे, बी – बियाणे, धान्य आदींची विक्री व गोदाम, व्यापारी संकुल, प्रस्तावित मंगल कार्यालय व वेअर हाऊस आदी प्रकल्पांना मावळच्या पदाधिकाऱ्यांनी प्रत्यक्ष भेट देऊन प्रकल्प उभारणीपासून सद्यस्थितीत सुरू असलेल्या कारभारापर्यंत माहिती जाणून घेतली.
मावळ तालुक्यात बारामती प्रमाणे खरेदी विक्री संघाच्या माध्यमातून आगामी काळात महत्वाकांक्षी प्रकल्प राबविण्याचा निर्णय मावळच्या पदाधिकाऱ्यांनी घेतला असून लवकरच याबाबत विशेष सभा घेऊन निर्णय घेण्यात येणार असल्याचे चेअरमन असवले यांनी सांगितले.
“मावळ तालुक्यातील महायुतीच्या नेत्यांनी आमच्यावर विश्वास ठेऊन आम्हाला खरेदी विक्री संघाचे प्रतिनिधीत्व करण्याची संधी दिली आहे. हा विश्वास सार्थ ठरविण्याच्या दृष्टीने अभ्यास दौऱ्यापासून आम्ही सुरुवात केली असून आगामी काळात संघाचे आर्थिक उत्पन्न वाढविण्याच्या दृष्टीने नवनवीन प्रकल्प राबविण्याचा आम्ही प्रयत्न करणार आहे.” – शिवाजी असवले (सभापती, खरेदी विक्री संघ मावळ)
“मावळ तालुका खरेदी विक्री संघाला सद्यस्थितीत उत्पन्न सुरू आहे, परंतु ते अत्यंत तुटपुंजे आहे. संघाकडे कामशेत सारख्या शहरात मध्यवर्ती ठिकाणी जागा आहे, याचा उपयोग करून बारामती प्रमाणे उत्पन्नाचे नवनवीन मार्ग तयार करण्याचा आमचा मानस आहे.” – अमोल भोईरकर (उपसभापती, खरेदी विक्री संघ मावळ)
अधिक वाचा –
– प्रतिक्षा संपली… पुणे रिंगरोड बाबत अत्यंत महत्वाची अपडेट, लगेच वाचा । Pune Ring Road Update
– रायगड जिल्हा आपत्ती व्यवस्थापनाकडून खालापूरमध्ये मॉकड्रिल संपन्न । Raigad News
– मावळ लोकसभा मतदारसंघासाठी मतमोजणी केंद्रावर विशेष कार्यकारी दंडाधिकारी म्हणून ‘प्रवीण ढमाले’ यांची नियुक्ती । Maval Lok Sabha
