Dainik Maval News : श्री विठ्ठल परिवार संस्थेच्या माध्यमातून दरवर्षी कामशेत येथे आयोजित करण्यात येणाऱ्या कीर्तन महोत्सवामुळे तालुक्यात वारकरी संप्रदायाचा वारसा जपला जात आहे. या माध्यमातून संस्कृती व परंपरा जोपासण्याचे काम केल्याचे समाधान आहे, अशा भावना मावळ विधानसभा मतदारसंघातील महायुतीचे उमेदवार आमदार सुनील शेळके यांनी व्यक्त केल्या. आमदार शेळके यांनी आंदरमावळात पवळेवाडी, निगडे, आंबळे, मंगरूळ, कातवी आदी गावांचा दौरा करीत जनसंवाद साधला. त्यावेळी ते बोलत होते.
पवळेवाडी येथील जनसंवाद सभेस राष्ट्रवादी काँग्रेसचे तालुकाध्यक्ष गणेश खांडगे, शिवसेनेचे तालुकाप्रमुख राजू सांडभोर, ज्येष्ठ नेते गणेशअप्पा ढोरे, पंचायत समिती सदस्य साहेबराव कारके, सरपंच संदीप शेळके, युवानेते देवा गायकवाड, दिंडी समाजाचे माजी अध्यक्ष रोहिदास महाराज, संजय गांधी निर्धार योजना अध्यक्ष नारायण ठाकर, माजी सरपंच रवींद्र पवार स्वाभिमानी रिपब्लिकन पक्षाचे तालुका अध्यक्ष बबन ओहाळ, उपाध्यक्ष बाळासाहेब घाडगे, माजी सरपंच गोपाळ पवळे, माजी उपसरपंच देविदास धनवे आदी मान्यवर उपस्थित होते.
‘एवढा विकास कोणत्या नेत्याने केला नाही’
ग्रामस्थ प्रगती पवळे म्हणाल्या, “सुनील अण्णांनी पवळेवाडीसाठी बारा कोटी निधी उपलब्ध केला, आमच्या गावात कधी कुठला नेता येऊन विकास केल्याचे मला आठवत नाही.. फक्त सुनील अण्णा एकच आमचा लाडका भाऊ आहे ज्याने हे करून दाखवलंय.”
भात काढणीच्या कामातून तुम्ही आत्ता मला एवढा वेळ देताय, पुढची पाच वर्ष मला पुन्हा संधी दिली तर नक्कीच या वेळेचीही परतफेड करीन, अशी ग्वाही सुनील शेळके यांनी दिली.
निगडे येथील जनसंवाद सभेस राष्ट्रवादी काँग्रेसचे तालुकाध्यक्ष गणेश खांडगे, शिवसेनेचे तालुकाप्रमुख राजू सांडभोर, ज्येष्ठ नेते गणेशअप्पा ढोरे, विठ्ठलराव शिंदे, पंचायत समिती सदस्य साहेबराव कारके, सरपंच संदीप शेळके, युवानेते देवा गायकवाड, अनिकेत घुले, सरपंच संदीप शेळके, माजी उपसरपंच रोहिदास महाराज धनवे, निगडे गावचे सरपंच भिकाजी भागवत, उपसरपंच भगवान ठाकर, माजी उपसरपंच गणेश भांगरे, आरपीआयचे प्रवीण साळवे आदी मान्यवर उपस्थित होते.
भिकाजी भागवत म्हणाले, “सुनीलअण्णा कधी पक्ष बघून भेदभाव करत नाही, माणूस बघून काम करून देतात, आपण पण आता तेच करायचं आहे कोणीही कुठल्याही पक्षाचा असो, विकासाला मात द्या म्हणजेच सुनीलअण्णांना मत द्या.“
निवडणुकीत साथ देणाऱ्यांसाठी विकास कामांची रांग लावू – शेळके
निगडे गावाला सात कोटींपेक्षाही जास्त निधी दिला, पण ज्यांच्यासाठी मी हे केलं तेच पळून समोर गेले आहे, अशी खंत शेळके यांनी व्यक्त केली. ज्यांच्यासाठी काही केले नाही तेच येथे आहेत. तुम्हाला सांगतो की, आता तुमच्यासाठी विकासकामांची मोठी रांगच लावतो, अशी ग्वाही शेळके यांनी दिली.
- मोठे प्रकल्प महायुतीमुळे मावळात – शेळके
आंबळे येथे बोलताना सुनील शेळके म्हणाले, “सुनील शेळकेनी मागच्या ५ वर्षात काय केले, हे तुम्ही स्वतःच पाहिले मी स्वतःच घर भरत नाही बसलो मी काम केली. महायुतीचे सरकार अनेक मोठे प्रकल्प घेऊन आले आहे. आज ह्युंदाई सारखी मोठी कंपनी आपल्या मावळात येतेय, पण काही लोक मात्र म्हणतात की हे प्रकल्प आम्ही घेऊन आलोय….”
मंगरूळमध्ये जंगी स्वागत
जब पुरा विपक्ष एक हो जाए, तो समज लेना की आपना नेता सच्चा है, असे म्हणत मंगरूळ मधील ग्रामस्थांनी सुनील अण्णांवरील विश्वास व्यक्त केला.
सुनील शेळके म्हणाले की, “मी तळेगावात जन्मलो असलो तरी माझी कर्म भूमी हीच दोन-चार गावे आहेत. माझा धंदा इथून सुरू केला, चार पैसे मिळाले तेव्हाच मी समाज कार्य करायला सुरू केली. असाच आशीर्वाद माझ्यावर तुम्ही मायबाप जनतेने ठेवला तर अजून जोमाने पुढील ५ वर्षे काम तर करीत राहीनच, पण संपूर्ण आयुष्यही समर्पित करीन.
कातवीगावात बाळगोपाळांकडून स्वागत
‘वाटीत चिवडा, सुनील अण्णालाच निवडा!’ अशा भन्नाट घोषणा देत कातवी गावात लहान मुलांकडून सुनील शेळके यांचे स्वागत करण्यात आले.
माझी लाडकी बहीण योजना चा अंतर्गत पहिले १५०० मिळत होते आता तेच २१०० मिळतील, मी पण त्याच महायुतीचा भाग आहे. मला पुन्हा निवडून द्या, तुम्हाला सर्व योजनांच लाभ मिळवून देण्याची जबाबदारी माझी राहील, असे शेळके यांनी सांगितले.
( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
अधिक वाचा –
– मावळची संस्कृती बिघडत चालल्याने सर्व पक्ष एक झाले – बापूसाहेब भेगडे । Bapu Bhegade
– पोलिसांनी जप्त केलेली रक्कम माझ्या व्यवसायाची, विरोधकांनी दबाव आणून कारवाई करण्यास भाग पाडले – सचिन मुऱ्हे
– मावळात राष्ट्रवादीच्या नेत्याच्या कार्यालयातून 36 लाखांची रोकड जप्त, सोमाटणे येथे मोठी कारवाई । Maval Crime
