मावळ तालुक्यात एक धक्कादायक घटना उघडकीस आली आहे. अल्पवयीन मुलीने देहविक्री करण्यास नकार दिल्याने तिच्यावर धारदार शस्त्राने वार केल्याची धक्कादायक घटना घडली आहे. रविवारी (दि. 26 मे) सायंकाळ ते सोमवार (दि. 27 मे) रात्री 1 वाजेच्या दरम्यान हा प्रकार गोडुंब्रे येथील पवना नदीच्या पुलावर घडला. याप्रकरणी 3 जणांवर गुन्हा दाखल करण्यात आला असून आरोपींना अटक करण्यात आली आहे. ( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
याप्रकरणी 16 वर्षाच्या पीडीत मुलीने शिरगाव पोलीस ठाण्यात सोमवारी फिर्याद दिली. त्यावरून आरोपी पवनकुमार आयोध्या प्रसाद (वय-23 मुळ रा. रामपुर बेला, ता. पट्टी जी. प्रतापगढ, उत्तर प्रदेश), दिपक गोबरी यादव (वय-21 मुळ रा. फतेहपुर भटौली, जि. देवरिया, उत्तर प्रदेश) आणि 39 वर्षीय महिला आरोपी यांच्यावर गुन्हा दाखल करुन त्यांना अटक करण्यात आली आहे. ( minor girl was stabbed with sharp weapon after her rejection of prostitution shocking incident in Maval taluka )
पोलिसांनी दिलेल्या माहितीनुसार, आरोपी दीपक यानी पीडितेशी प्रेमसंबंध तयार केले. त्यानंतर पवनकुमार व महिला आरोपीने तिच्याकडे देहविक्रीची मागणी केली. पीडीतेने देहविक्रीसाठी नकार दिला. त्यामुळे त्यांनी तिला मूळगावी सोडण्याचा बहाणा करून दुचाकीवर आधी लोणावळ्याला नेले आणि नंतर पुन्हा सोमाटणे जवळ आणले. तिथे महिला आरोपीच्या खोलीत ठेवले.
त्यानंतर आरोपी पवनकुमार याने सोमवारी सायंकाळी त्याच्या दुचाकीवरुन तिला गोडुंब्रे येथील पवना नदीच्या पुलावर आणले. तिथे त्याने आणि महिला आरोपी यांनी मिळून मुलीच्या मानेवर धारदार शस्त्राने वार केला, तसेच तिला जीवे मारण्याचा प्रयत्न केला, असे फिर्यादीत नमूद आहे. पीडितेने तेथून आपली सुटका करून घेत थेट पोलिसांकडे धाव घेत तक्रार दिल्याने हा प्रकार उघडकीस आला. पोलिसांनी तीन्ही आरोपींना अटक केली असून पुढील तपास पोउपनी पारखे करत आहेत.
अधिक वाचा –
– तळेगावच्या आठवडे बाजारात सोनसाखळी चोरीचा प्रकार, मुलीच्या प्रसंगावधानाने चोराला पकडण्यात यश । Talegaon Crime
– मावळात 4 जून पूर्वीच उधळला गुलाल ! पाटण गावच्या सरपंचपदी ‘यांची’ बिनविरोध निवड । Maval News
– मावळात मुलांपेक्षा मुलीच हुशार ! दहावी बोर्ड परीक्षेच्या निकालात मुलींनीच मारली बाजी । SSC Result Maval Taluka
