Dainik Maval News : पुणे-नाशिक महामार्गावरील चाकण येथे होणारी वाहतूक कोंडी फोडण्यासाठी पुणे महानगर प्रदेश विकास प्राधिकरणाने (पीएमआरडीए) या परिसरात चार मिसिंग लिंक तयार करण्याचे काम हाती घेतले आहे. या कामासाठी एकूण २६१ कोटी रुपयांचा खर्च प्रस्तावित असून या मार्गांमुळे चाकण-तळेगाव चौक, तळेगाव आणि शिक्रापूर रस्त्यावरील वाहतूक कोंडी सुटण्यास मदत होणार आहे.
सकाळ आणि संध्याकाळ च्या सत्रात चाकण चौकात होणाऱ्या वाहतूक कोंडीमध्ये सामान्य प्रवाशांचा तास – दीड तास वाया जातो. अनेकदा या वाहतूक कोंडीमध्ये एमआयडीसीतील कामगारांना अडकून पडावे लागते. आता मात्र पीएमआरडीए च्या या प्रस्तावित मिसिंग लिंक प्रकल्पांमुळे प्रवाशांना पर्यायी मार्गाची उपलब्धता असणार आहे, ज्यामुळे इंधन आणि वेळेची द्धा बचत होणार आहे.
भूसंपादन प्रक्रियेनंतर साधारणतः वर्षभरात हे मिसिंग लिंक पूर्ण करण्यावर प्रशासनाचा भर असेल, असे सांगण्यात येत आहे. पुणे-नाशिक महामार्गावर चाकण येथे होणारी वाहतूक कोंडी लक्षात घेता मिसिंग लिंकसाठी प्राधिकरण कामाला लागले आहे.
इथे असणार मिसिंग लिंक –
1. चाकणच्या तळेगाव चौक : आंबेठाणसह आळंदी फाटा चौकातील गर्दी कमी करण्यात या मिसिंग लिंकची महत्त्वाची भूमिका असेल.
2. हिंगणे चौक ते फोक्सवॅगन कंपनी (खराबवाडी) इथे : 900 मीटर लांबीचा हा रस्ता एमआयडीसी फेज 3 ला जोडला जाईल.
3. नाणेकरवाडी ते समृद्धी सीएनजी पंप इथे : 1.2 किमीचा रस्ता थेट राष्ट्रीय महामार्ग क्रमांक 60 ला जोडला जाईल.
4. मेदनकरवाडी ते रासे फाटा : 2.5 किमीचा रस्ता तळेगाव- चाकण महामार्गाला जोडेल.
तर वेस्टर्न बायपास हा चाकण एमआयडीसी फेज 5 ते जुन्या मुंबई पुणे महामार्गाला जोडणारा 60 मीटरचा रुंद मार्ग असेल.
( दैनिक मावळचा व्हॉट्सअॅप चॅनेल जॉइन करण्यासाठी इथे क्लिक करा )
अधिक वाचा :
– मावळच्या निसर्गाचा विनाश थांबवा ! स्थानिक पर्यावरणमित्रांचे वीज प्रकल्पाविरोधात प्रशासनाला निवेदन ; तीव्र आंदोलनाचा इशारा
– आमदार सुनील शेळके यांच्या माध्यमातून शिळींब येथे आदिम सेवा अभियान अंतर्गत ९५ आदिवासी नागरिकांना जातीचे दाखले वाटप
– गॅस सिलिंडर वाहतूक करणाऱ्या टेम्पो चालकाच्या एका चुकीने ज्ञानेश्वरीने गमावला जीव ; सोमाटणे फाटा येथील मन सुन्न करणारी घटना
