आमदार सुनिल शेळके यांनी बुधवारी ( दिनांक 14 जून 2023) अधिकारी आणि सहकाऱ्यांसमवेत आंदर मावळमधील इंद्रायणी नदीवरील नवीन पुल आणि परिसरातील विविध विकासकामांची पाहणी केली. यावेळी स्थानिक ग्रामस्थ आणि पदाधिकारी यांच्यासोबत संवाद साधून समस्या जाणून घेतल्या.
दैनिक मावळचा व्हॉट्सअॅप ग्रुप जॉइन करण्यासाठी इथे क्लिक करा
1. टाकवे बुद्रुक येथील इंद्रायणी नदीवरील पुलाच्या कामाची व त्याला पर्यायी जोड रस्त्याची पाहणी केली. कान्हे- टाकवे मार्गावर औद्योगिक प्रकल्पांमुळे वाहतूक मोठ्या प्रमाणावर वाढत आहे. येथील दळणवळणाचा हा एक मुख्य मार्ग असल्याने उर्वरित काम त्वरित मार्गी लावण्याच्या सुचना आमदार शेळकेंनी संबंधितांना दिल्या. ( mla sunil shelke inspected ongoing development works in andar maval )
2. घोणशेत ग्रामपंचायत हद्दीतील लंकेवाडी येथे भेट देऊन स्थानिक ग्रामस्थांच्या समस्या जाणून घेतल्या. गेल्या अनेक वर्षांपासून लंकेवाडीकडे येणारा पाणंद रस्ता स्थानिक शेतकऱ्यांच्या वादविवादामुळे बंद असल्याने सदर रस्त्याबाबत स्थानिक ग्रामस्थांसह समक्ष पाहणी केली. स्थानिक पातळीवरील वाद सामंजस्यातुन मिटवुन रस्ता खुला करणेबाबत विनंती केली असता सदर शेतकऱ्यांनी सहमती दर्शविली असून लवकरच लंकेवाडीचा मुख्य रस्ता वाहतुकीसाठी खुला करण्यात येईल.
3. वडेश्वर येथील आदिवासी आश्रमशाळेच्या इमारतीचे काम प्रगतीपथावर असून सद्यस्थितीत सदर इमारतीच्या दोन स्लॅबचे काम पूर्ण झाले आहे. आवश्यक बाबींमध्ये सुधारणा करीत उर्वरित कामास गती देण्याच्या दिल्या.
4. आंदर मावळातील वाहतुकीसाठी अत्यंत सोयीच्या ठरणाऱ्या वडेश्वर ते कशाळ या रस्त्यावरील नवीन पुलाच्या कामाची पाहणी केली. या पुलामुळे येथील वाहतूकीचे अंतर बरेचसे कमी होणार आहे.
प्रामुख्याने कान्हे -टाकवे आणि वडेश्वर – कशाळ दरम्यानचा पुल येत्या 15 ऑगस्टपर्यंत वाहतुकीसाठी खुला करण्यासाठी युद्धपातळीवर कामास प्रारंभ करावा, अशा सुचना आमदार शेळकेंनी संबंधित अधिकारी व ठेकेदार यांना दिल्या आहेत.
अधिक वाचा –
– मोठी बातमी! राष्ट्रवादीची सत्ता असलेल्या पवनमावळातील ग्रामपंचायतीच्या सरपंचाविरोधात अविश्वासाचा ठराव मंजूर
– आमदार शेळकेंसमवेत मावळ बाजार समितीच्या संचालकांनी घेतली पणन संचालकांची भेट, ‘या’ विषयांवर झाली चर्चा
