Dainik Maval News : मावळ तालुका कृषी उत्पन्न बाजार समितीचे उपसभापती नामदेव शेलार यांनी त्यांच्या उपसभापती पदाचा राजीनामा दिला आहे. मावळ तालुका राष्ट्रवादी काँग्रेसचे तालुकाध्यक्ष गणेश खांडगे यांच्याकडे त्यांनी आपला राजीनामा सोपविला आहे.
मावळ तालुका कृषी उत्पन्न बाजार समितीची निवडणूक एप्रिल २०२३ मध्ये झाली होती. तदनंतर सभापतीपदी संभाजी शिंदे आणि उपसभापतीपदी नामदेव शेलार यांची एकमताने निवड झाली होती. त्यावेळी सर्व सदस्यांना कामाची समान संधी मिळावी म्हणून प्रत्येकाच्या पदाचा कार्यकाळ वाटून घेण्यात आला होता.
दरम्यानच्या काळात राष्ट्रवादी काँग्रेस पक्षात फूट पडली. त्यामुळे सभापती शिंदे आणि उपसभापती शेलार यांचे राजीनामे देण्याची प्रक्रिया लांबणीवर पडली होती. अखेर आता शेलार यांनी राजीनामा दिला आहे. तसेच लवकरच सभापती यांचाही राजीनामा येण्याची शक्यता वर्तवली जात आहे.
शेलार यांचा राजीनामा समितीपुढे येतो की सहाय्यक निबंधकाकडे सादर होतो, याकडे सर्वांचे लक्ष लागले आहे. दरम्यान, शेलार यांच्या राजीनाम्यानंतर उपसभापतीपदासाठी इच्छुक सदस्यांमध्ये जोरदार हालचाली सुरू झाल्या आहेत. तर, सभापती पदासाठीही अनेकांनी फिल्डींग लावायला सुरुवात केली आहे.
( दैनिक मावळचा व्हॉट्सअॅप चॅनेल जॉइन करण्यासाठी इथे क्लिक करा )
अधिक वाचा :
– ईव्हीएम मशीन हॅकच्या नावाखाली उमेदवारांकडून लाखो रूपये उकळले ; आमदार सुनील शेळके यांचा गंभीर आरोप
– वेश्या व्यवसायाच्या उद्देशाने लैंगिक हावभाव करून सार्वजनिक शिष्ठाचाराचा भंग केल्याप्रकरणी दोन महिलांवर गुन्हे
– वडगाव येथील राजे शिवछत्रपती जयंती महोत्सव २०२६ समिती अध्यक्षपदी कुलदीप ढोरे, कार्याध्यक्षपदी संतोष भिलारे
– चुलत भावाकडून तरूणाचा खून, आरोपी फरार ; मावळातील धक्कादायक घटना, पोलिसांकडून तपास सुरू
