MLA Sunil Shelke big statement about Jayant Patil : राष्ट्रवादी काँग्रेस शरदचंद्र पवार पक्षाचे प्रदेशाध्यक्ष जयंत पाटील यांच्याविषयी बोलताना आमदार सुनिल शेळके यांनी मोठे विधान केले आहे. जयंत पाटील साहेबांसारखे जेष्ठ आणि अभ्यासू व्यक्तिमत्व राष्ट्रवादी काँग्रेस पक्षामध्ये आहेत, याचं आम्हाला समाधान आहे. पण जयंत पाटलांना पक्षातील नवीन नेते डावलू पाहतायेत, असा आरोप आमदार सुनिल शेळके यांनी केला. तळेगाव येथे त्यांनी माध्यमांशी याविषयावर संवाद साधला. ( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअ‍ॅप चॅनेलवर )
‘जयंत पाटील साहेबांसारखे ज्येष्ठ आणि अभ्यासू व्यक्तिमत्व हे राष्ट्रवादी काँग्रेस पक्षामध्ये आहे, याचे आम्हाला समाधान आहे. पण त्यांच्या मनामध्ये काही नक्कीच आहे. पक्षामध्ये त्यांना सारखं सारखं डावलल जाणं, त्यांना पक्षातून बाजूला ठेवणं हे पक्षातील काही नवीन नेते करू पहात आहेत. जयंत पाटील साहेबांना हेच सांगणे आहे, राज्याचे अभ्यासू नेते म्हणून आम्ही तुमच्याकडे पाहतो. आम्हाला आपल्याकडून खूप साऱ्या अपेक्षा आहेत,’ अशी प्रतिक्रिया राष्ट्रवादीचे अजितदादा गटाचे मावळचे आमदार सुनिल शेळके यांनी दिली. ( NCP Ajit Pawar MLA Sunil Shelke big statement about Jayant Patil )
राष्ट्रवादी काँग्रेस शरदचंद्र पवार पक्षाच्या युवक अध्यक्ष पदी दिवंगत नेते आर.आर. पाटील यांचे चिरंजीव रोहित पाटील यांना युवक अध्यक्ष करण्यासाठी रोहित पवार हे आग्रही होते. मात्र प्रदेशाध्यक्ष जयंत पाटील यांचे जवळचे असलेले मेहबूब शेख यांची नेमणूक कायम ठेवल्याने आमदार रोहित पवार आणि जयंत पाटील यांच्यातील सुप्त संघर्ष पहायला मिळत आहे. त्यात जयंत पाटील यांनी आपण काही दिवसांसाठी प्रदेशाध्यक्ष राहणार असल्याचे सांगितले. त्यावर विरोधकांनी म्हणजे अजित पवार गटातील नेत्यांनी आपल्याकडे येण्याची विनंती केली आहे. त्यात आता जयंत पाटील यांच्याकडून आम्हाला खूप अपेक्षा असल्याचे आमदार शेळके यांनी म्हटल्याने राजकीय चर्चांना उधाण आले आहे.
अधिक वाचा –
– पावसाळा सुरू झाला तरीही कार्ला-मळवली पुलाचे काम अपूर्णच ! संतप्त ग्रामस्थांनी केले जलसमाधी आंदोलन
– घरावर सोलर पॅनल बसवण्याचा विचार करताय? मग ही बातमी नक्की वाचा, सरकारी सबसिडी आणि योजनांची माहिती एका क्लिकवर
– विमुक्त जाती, भटक्या जमाती व विशेष मागास प्रवर्गातील नागरिकांना वसंतराव नाईक महामंडळाच्या योजनांचा लाभ घेण्याचे आवाहन
