Dainik Maval News : राष्ट्रवादी काँग्रेस पक्षाची जनसन्मान यात्रा येत्या शुक्रवारी, दिनांक 16 ऑगस्ट रोजी मावळ तालुक्यात येत आहे. या यात्रेदरम्यान अजित पवार हे तळेगाव दाभाडे आणि लोणावळा या दोन ठिकाणी शासनाच्या विविध योजनांची माहिती देतील. तसेच योजनांचे लाभार्थी, मुख्यमंत्री माझी लाडकी बहीण योजनेच्या लाभार्थी भगिनी यांच्याशी संवाद साधतील अशी माहिती आमदार सुनिल शेळके यांनी वडगाव मावळ येथील पत्रकार परिषदेत दिली. ( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
शनिवारी, दि. 10 ऑगस्ट रोजी वडगाव मावळ येथील शासकीय विश्रामगृहात आमदार सुनिल शेळके यांची पत्रकार परिषद संपन्न झाली. यावेळी राष्ट्रवादी काँग्रेसचे तालुकाध्यक्ष गणेश खांडगे तसेच पंढरीनाथ ढोरे हे उपस्थित होते. अजित पवार यांची जनसन्मान यात्रा नाशिक येथून सुरू झाली आहे. त्यानंतर ती अहमदनगर जिल्ह्यातून पुणे जिल्ह्यात प्रवेश करेल. आधी ग्रामीण भागात नंतर पुणे शहर व पिंपरी-चिंचवडमध्ये देखील ही यात्रा जाणार असल्याचे शेळके यांनी सांगितले. ( NCP Jan Samman Yatra Maval Taluka MLA Sunil Shelke Ajit Pawar Prafull Patel )
तळेगावात पक्षाकडून जोरदार तयारी –
अजित पवार, प्रफुल्ल पटेल, सुनिल तटकरे आदी नेत्यांच्या स्वागतासाठी मावळ तालुका राष्ट्रवादी काँग्रेस पक्षाच्या वतीने जय्यत तयारी करण्यात येत आहे. जन सन्मान यात्रा तळेगाव दाभाडे येथे सकाळी दहा वाजता मारुती मंदिर चौकाजवळील थोर समाजसेवक नथुभाऊ भेगडे शाळेच्या मैदानावर येणार आहे. यावेळी पावसामुळे गैरसोय होऊ नये म्हणून तिथे भव्य मंडप उभारण्यात येत आहे.
मावळ तालुक्यात मुख्यमंत्री माझी लाडकी बहीण योजनेअंतर्गत 55 हजारांहून अधिक माता-भगिनींनी नावनोंदणी केली. या योजनेचा लाभ तालुक्यातील किमान 80 हजार भगिनींना मिळाला पाहिजे, हे उद्दिष्ट डोळ्यापुढे ठेवून प्रयत्न सुरु आहेत. सर्व माताभगिनींनी कार्यक्रमाला येऊन अजितदादांना रक्षाबंधनानिमित्त राखी बांधावी, असे आवाहन देखील आमदार शेळके यांनी केले.
अधिक वाचा –
– BREAKING : मराठी सिनेसृष्टीतील दिग्गज अभिनेते विजय कदम यांचे निधन, सिनेसृष्टी हळहळली । Actor Vijay Kadam Death
– नवउद्योजकांना प्रशिक्षणाची संधी, महाराष्ट्र संशोधन उन्नती व प्रशिक्षण प्रबोधिनीचा उपक्रम – वाचा सविस्तर
– वाढदिवस विशेष : पाच वेळा मावळ विधानसभा लढवली, दोन वेळा आमदार झाले, एक आमदारकी फक्त 459 मतांनी गेली