राष्ट्रवादी काँग्रेस पार्टी शरदचंद्र पवार पक्षाकडून लोकसभा निवडणूकीसाठी महाराष्ट्रातील 5 लोकसभा मतदारसंघातील उमेदवारांची नावे जाहीर करण्यात आली आहे. ह्या पहिल्या यादीत अपेक्षेप्रमाणे काही नावांचा समावेश आहे. राष्ट्रवादी काँग्रेसच पक्षाची ही पहिली यादी असून लवकरच दुसरी यादी देखील जाहीर होईल, अशी माहिती पक्षाचे प्रदेशाध्यक्ष जयंत पाटील यांनी माध्यमांशी बोलताना सांगितले. ( मावळ, पिंपरी-चिंचवड, पुणे परिसरातील ताज्या अपडेट्ससाठी दैनिक मावळचा व्हॉट्सअ‍ॅप चॅनेल जॉईन करा )
लोकसभा निवडणुकीसाठी राष्ट्रवादी काँग्रेस शरद पवार यांच्या पक्षाने अखेरीस आज (दि. 30) उमेदवारांची पहिली यादी जाहीर केली. ज्यात एकूण 5 जणांच्या नावांचा आणि मतदारसंघांचा समावेश आहे. या यादीत बारामती लोकसभा मतदारसंघात सुप्रिया सुळे यांना पुन्हा एकदा संधी देण्यात आली आहे. तर शिरूर लोकसभेसाठी पुन्हा एकदा डॉ. अमोल कोल्हे हे रिंगणात उतरणार आहेत. तसेच अहमदनगरमधून अपेक्षेप्रमाणे आता निलेश लंके यांना उमेदवारी देण्यात आली आहे. ( NCP Sharad Pawar Party Announced 5 candidates of Lok Sabah Election 2024 Nilesh Lanke Supriya Sule Amol Kohle )
शरद पवार यांच्या पक्षाचे पहिले 5 उमेदवार –
1. वर्धा (08) – अमर काळे
2. दिंडोरी (20) – भास्करराव भगरे
3. बारामती (35) – सुप्रिया सुळे
4. शिरुर (36) – डॉ. अमोल कोल्हे
5. अहमदनगर (37) – निलेश लंके
विजयाचा निर्धार पक्का करून ‘राष्ट्रवादी काँग्रेस पार्टी – शरदचंद्र पवार’ पक्षाच्या केंद्रीय संसदीय मंडळाने लोकसभा निवडणूक २०२४ ची पहिली उमेदवार यादी जाहीर केली आहे. आदरणीय खा. शरदचंद्र पवार साहेबांच्या साथीने दिल्लीच्या तख्तासमोर रणशिंग फुंकण्यासाठी तुतारी सज्ज आहे!… pic.twitter.com/oiXVgTvXP1
— Nationalist Congress Party – Sharadchandra Pawar (@NCPspeaks) March 30, 2024
अधिक वाचा –
– समर्थ शलाका स्पर्धा परीक्षेत श्री एकविरा विद्या मंदिर कार्ला शाळेतील आर्या अहिरे प्रथम । Talegaon Dabhade
– ‘तुम्ही निवडून यालच..आपल्याला हा गड राखायचाय’, उद्धव ठाकरे यांच्याकडून संजोग वाघेरेंना प्रचार सुरु करण्याचे आदेश
– वडगाव मावळ शहरात राजे शिवछत्रपती जयंती महोत्सव अत्यंत उत्साहात साजरा । Vadgaon Maval
