Dainik Maval News : दिवाळी सणानिमित्त श्री संत तुकाराम सहकारी साखर कारखान्याच्या वतीने कारखान्याच्या सभासद शेतकऱ्यांना सवलतीच्या दरात साखरेचे वाटप करण्यात येत आहे. यामध्ये मावळ, मुळशी, खेड, हवेली, शिरूर या भागातील सभासद शेतकऱ्यांना दिवाळी भेट म्हणून साखरचे वाटप करण्यात आले.
शेतकऱ्यांना साखर कारखान्याच्या गटागटामध्ये जाऊन साखरचे वाटप करण्याचे काम सुरु आहे. यावेळी पवनानगर सोमाटणे गटात शेतकऱ्यांना सवलतीच्या दरात वाटप करतांना कारखान्याचे संचालक लक्ष्मण भालेराव, माजी संचालक ज्ञानेश्वर ठाकर,नरेंद्र ठाकर,माऊली आढाव, बाळासाहेब मोहोळ,रामदास घरदाळे,विजय ठाकर,सचिन ठाकर,पांडुरंग कडू,श्रीधर जाधव,नितीन वाघमारे,मोहन घरदाळे,सुनील काळे, सुनील घरदाळे, सुरेश आडकर, रविंद्र जांभुळकर,लहु कालेकर, जालिंदर जांभुळकर,विठ्ठल दळवी,किरण वाघुले,अमोल घोटकुले, यांच्या सह पवनमावळ परिसरातील शेतकरी साखर घेण्यासाठी मोठ्या उपस्थितीत होते.
दिवाळीच्या आधी महिनाभर कारखान्याच्या सभासद शेतकऱ्यांना गटामध्ये जाऊन सवलतीच्या दरात साखरेचे वाटप करत असून यामध्ये शेतकऱ्याचा वाहतुकीसाठी होणारा खर्च कमी होते. प्रत्येक गटामध्ये शेतकऱ्यांना दोन दिवस साखरेचे वाटप केले जात असते, असे श्री संत तुकाराम सहकारी साखर कारखाना संचालक लक्ष्मण भालेराव यांनी सांगितले.
तर, साखर कारखाना दरवर्षी आम्हाला दिवाळीला साखर सवलतीच्या दरात वाटप करत असतो. गेली तीन वर्षांपासून कारखान्याच्या वतीने प्रत्येक गटात साखर वाटप करत असुन यामुळे आम्हाला साखर घेण्यासाठी वाहतुकीचा खर्च होत होता, तो आमचा वाचला आहे. असे शेतकरी श्रीधर जाधव यांनी सांगितले.
( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
अधिक वाचा –
– कोण होणार तुमच्या शहराचा नगराध्यक्ष? राज्यातील २४७ नगरपरिषदा आणि १४७ नगरपंचायतींच्या नगराध्यक्षपदांची आरक्षण सोडत जाहीर – पाहा संपूर्ण यादी
– मावळ पंचायत समितीवर असणार महिलाराज ; सभापतीपद ओबीसी प्रवर्गातील महिलेसाठी राखीव
जमीन मोजणीसाठी आता सहा महिने वाट पाहावी लागणार नाही ; ३० दिवसांत होणार जमीन मोजणी प्रकरणांचा निपटारा
