Dainik Maval News : वडगाव नगरपंचायत आणि विघ्नहर्ता हाॅस्पिटल यांच्या संयुक्त विद्यमाने जागतिक महिला दिनाचे औचित्य साधून वडगाव कातवी शहरातील महिला भगिनींसाठी एकदिवसीय मोफत आरोग्य तपासणी शिबीराचे आयोजन करण्यात आले आहे.
सोमवार, दिनांक ९ मार्च रोजी वडगाव नगरपंचायत कार्यालयात सकाळी १० ते सायंकाळी ५ या वेळेत या आरोग्य तपासणी शिबीरास सुरुवात होणार आहे. यावेळी अनेक आजारांवर मोफत तपासणी होणार आहेत. यात ईसीजी, हिमोग्लोबिन, किडनी, लिव्हर, बीपी, शुगर, कोलेस्ट्रॉल, X -Ray, डोळे, कान, नाक, घसा इत्यादी आजारांवर विनामूल्य तपासणी होणार असल्याची माहिती नगराध्यक्षा अबोली मयूर ढोरे यांनी दिली आहे.
तसेच आरोग्य शिबिरात तपासणीसाठी येणाऱ्या प्रत्येक महिलेकरिता कॅल्शियम आणि IRON FOLIC TABLET देण्यात येतील. तसेच नागरिकांना शासनाकडून अनेक हितकारक शासकीय योजनांच्या माध्यमातून आरोग्य सुविधा मिळाव्यात म्हणून आयुष्यमान भारत कार्ड काढण्यात येईल त्यासाठी कागदपत्रे – आधारकार्ड, आधारकार्डला लिंक असलेला मोबाईल नंबर, चालू असलेले रेशन कार्ड आवश्यक असणार आहे तरी सर्वांनी याचा लाभ घ्यावा अशी विनंती मुख्याधिकारी डॉ प्रविण निकम यांनी केली आहे.
तरी वडगाव कातवी शहरातील सर्व माता महिला भगिनींनी या आरोग्य शिबीराचा विनामूल्य लाभ घ्यावा असे वडगाव नगरपंचायतीच्या वतीने सभापती महिला व बालकल्याण समिती सुनीता ढोरे आवाहन केले आहे.
( दैनिक मावळचा व्हॉट्सअॅप चॅनेल जॉइन करण्यासाठी इथे क्लिक करा )
अधिक वाचा :
– इयत्ता चौथी आणि सातवीच्या शिष्यवृत्ती परीक्षेकरिता नोंदणी आणि आवेदनपत्र भरण्यासाठी मुदतवाढ ; ‘या’ तारखेपर्यंत भरता येणार अर्ज
– मावळ कृषी उत्पन्न बाजार समितीचे सभापती संभाजी शिंदे यांचा राजीनामा ! जिल्हा उपनिबंधक यांच्याकडे सोपविला राजीनामा
– वाहतूकीचे नियम मोडणारे, गाडीला काळ्या काचा – फॅन्सी नंबरप्लेट असलेल्या वाहन चालकांवर वडगाव मावळ पोलिसांची कारवाई
– पुणे – लोणावळा रेल्वे प्रवास होणार सुसाट.. प्रवाशांचा वेळ वाचणार ; रेल्वे विभागाचा मास्टर प्लॅन – वाचा सविस्तर
