Dainik Maval News : तळेगाव एमआयडीसी हद्दीतील आंबी येथे अवैधरित्या दारू भट्टी लावल्या प्रकरणी गुन्हे शाखा युनिट पाचने कारवाई केली. ही कारवाई गुरुवारी (दि.27) दुपारच्या सुमारास करण्यात आली. याप्रकरणी आंबी येथील 35 वर्षीय महिलेच्या विरोधात तळेगाव एमआयडीसी पोलीस ठाण्यात गुन्हा दाखल करण्यात आला आहे.
पोलीस कॉन्स्टेबल सचिन गोमटे यांनी तळेगाव एमआयडीसी पोलीस ठाण्यात फिर्याद दिली आहे. पोलिसांनी दिलेल्या माहितीनुसार, आंबी येथे ओढ्याच्या काठी आरोपी महिलेने दारू भट्टी लावली. याबाबत माहिती मिळाल्यानंतर गुन्हे शाखेने दारू भट्टीवर छापा मारला. यामध्ये 32 हजार रुपये किमतीचे 600 लिटर गुळ मिश्रित रसायन नष्ट करण्यात आले आहे. पोलिसांची चाहूल लागताच आरोपी महिला पळून गेली. तळेगाव एमआयडीसी पोलीस तपास करीत आहेत.
( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअ‍ॅप चॅनेलवर )
अधिक वाचा –
– मिसिंग लिंक झाला, आता मुंबई-पुणे द्रुतगती मार्ग आठ पदरी करण्याचा प्लॅन ; एमएसआरडीसीकडून सरकारला प्रस्ताव । Mumbai Pune Expressway
– शेतकऱ्यांना मोठा दिलासा ! पुणे जिल्ह्यातील 146 किमी पाणंद रस्ते मोकळे, मावळमधील 23.8 किमी पाणंद रस्ते मोकळे
– कामाची बातमी : भूमिअभिलेख विभागाकडून गाव नकाशा ऑनलाईन उपलब्ध, असा चेक करा तुमच्या गावचा नकाशा
