मावळ तालुक्यातील ( Maval Taluka ) रेल्वे प्रवाशांसाठी एक आनंदाची बातमी आहे. कोव्हिड काळात ( Corona ) रद्द करण्यात आलेल्या पुणे-लोणावळा लोकल रेल्वे सेवा ( Pune Lonavala Local ) आता पुर्ववत करण्यात आली आहे. दोन वर्षांच्या प्रदीर्घ लढ्यानंतर आणि प्रवाशांच्या आक्रमक पवित्र्यानंतर रेल्वे बोर्डाने या फेऱ्या पुर्ववत करण्याचा निर्णय घेतला आहे. तसेच दुपारी सुरु होणाऱ्या लोकलचे वेळापत्रकही जाहीर केले आहे. ( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअ‍ॅप चॅनेलवर )
लोणावळा ते पुणे शहर आणि पुणे शहर ते लोणावळा असा प्रवास करणाऱ्या प्रवाशांची संख्या प्रचंड आहे. यात विद्यार्थी, कामगार, छोटे व्यावसायिक, पर्यटक आदींचा समावेश होतो. मावळ तालुक्यातील मोठा प्रवासी वर्ग हा या लोकल सेवेवर अवलंबून आहे. परंतू गेल्या काही महिन्यांपासून त्यांना लोकलची परिपूर्ण सेवा मिळत नव्हती. त्यातही दुपारच्या वेळेत धावणाऱ्या लोकल ह्या कोरोना काळापासून बंद होत्या. परंतू आता त्या पुन्हा सुरु करण्याचा निर्णय रेल्वे प्रशासनाने घेतला आहे. ( Pune Lonavala Local Trains Start In Afternoon From Monday Check Out New Schedule )
त्यानुसार शिवाजीनगर येथून दुपारी 12 वाजून 05 मिनिटांनी एक लोकल सुटेल आणि 12 वाजून 45 मिनिटांनी ती लोकल लोणावळा इथे पोहचेल. तर लोणावळाहून सकाळी साडेअकरा वाजता शिवाजीनगरसाठी लोकल सुटेल, अशी माहिती रेल्वे प्रशासनाने दिली आहे. पुणे-लोणावळा रेल्वे मार्गावर दुपारची लोकल सेवा सुरू करण्यासाठी काही दिवसांपूर्वीच एक मोठे आंदोलन करण्यात आले होते. तेव्हा आंदोलकांनी काही काळासाठी डेक्कन क्वीन थांबवून ठेवली होती. त्या आंदोलनानंतर आता रेल्वे प्रशासनाने तातडीने हा निर्णय घेतला आहे.
अधिक वाचा –
– इनर व्हील क्लबकडून पवनानगर इथे शंभरावा इनरव्हील डे साजरा । Inner Wheel Club
– किराणा घराण्याच्या ज्येष्ठ गायिका पद्मविभूषण स्वरयोगिनी डॉ. प्रभा अत्रे यांचे निधन, संगीत विश्वावर शोककळा । Prabha Atre Passed Away
– दुर्दैवी! लोणावळ्यात सुपरफास्ट एक्सप्रेसमधून फलाटवर पडल्याने रेल्वे प्रवाशाचा मृत्यू । Lonavala News
