पुणे शहर आणि पिंपरी-चिंचवड शहरासाठी अत्यंत महत्वाचा असलेल्या पुणे रिंग रोड प्रकल्प बाबत महत्वाची अपडेट समोर आली आहे. महाराष्ट्र राज्य रस्ते विकास महामंडळाने (एमएसआरडीसी) प्रस्तावित केलेल्या पुणे वर्तुळाकार रस्त्याचे (रिंग रोड प्रकल्प) भूमिपूजन हे महाराष्ट्र राज्याच्या आगामी विधानसभा निवडणूकांपूर्वीच होण्याची दाट शक्यता वर्तवली जात आहे. ( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
राज्य विधानसभा निवडणूकांची घोषणा झाल्यावर आचारसंहिता लागेल, अशात रिंगरोडचे काम अडकून राहू शकते. त्यामुळे विधानसभा निवडणूकीची घोषणा होण्यापूर्वीच भुमिपूजन होऊन आचारसंहिता लागल्यानंतर या रस्त्याचे काम विनाअडथळा सुरू राहण्यासाठी असे केले जाऊ शकते, त्यादृष्टीने प्रशासनाची तयारी सुरु असल्याची माहिती मिळत आहे. ( Pune Ring Road Update Bhumi Pujan will be held before Maharashtra Vidhansabha elections )
पुणे शहर आणि पिंपरी-चिंचवड शहर याठिकाणची वाहतूककोंडी मिटवण्यासाठी भविष्याच्या दृष्टीने हा प्रकल्प अत्यंत महत्वाचा आहे. एमएसआरडीसीकडून एकूण 172 किलोमीटर लांब आणि 110 मीटर रुंदीचा हा वर्तुळाकार रस्ते प्रकल्प हाती घेण्यात आला आहे. या प्रकल्पाचे पूर्व आणि पश्चिम असे दोन भाग करण्यात आले आहेत.
पूर्व मार्गात मावळ तालुक्यातून 11, खेड तालुक्यातून 12, हवेली तालुक्यातून 15, पुरंदरमधील 5 आणि भोरमधील 3 गावांतून हा रस्ता प्रस्तावित आहे. तर पश्चिम मार्गावरील भोर तालुक्यातील 1, हवेली तालुक्यातील 11, मुळशी तालुक्यातील 15 आणि मावळ तालुक्यातील 6 गावे प्रकल्प बाधित होणार आहेत. यात पश्चिम मार्गावरील 34 गावांपैकी 31 गावांमधील 644 हेक्टर जमिनीच्या संपादनाचे काम पूर्ण झाल्याची माहिती आहे, तसेच त्यासाठी 2975 कोटी रुपयांचा मोबदलाही देण्यात आला आहे.
“वर्तुळाकार रस्त्यासाठी पश्चिम मार्गाचे बहुतांश भूसंपादन पूर्ण झाले आहे. पूर्व मार्गाचे भूसंपादन प्रगतिपथावर आहे. जुलैअखेरपर्यंत भूसंपादन पूर्ण करण्याचा जिल्हा प्रशासनाचा मानस आहे. सातत्याने या प्रकल्पाच्या भूसंपादनाबाबत बैठक घेऊन आढावा घेण्यात येत आहे.” – डॉ. सुहास दिवसे, जिल्हाधिकारी
अधिक वाचा –
– पावसाळा सुरू झाला तरीही कार्ला-मळवली पुलाचे काम अपूर्णच ! संतप्त ग्रामस्थांनी केले जलसमाधी आंदोलन
– घरावर सोलर पॅनल बसवण्याचा विचार करताय? मग ही बातमी नक्की वाचा, सरकारी सबसिडी आणि योजनांची माहिती एका क्लिकवर
– विमुक्त जाती, भटक्या जमाती व विशेष मागास प्रवर्गातील नागरिकांना वसंतराव नाईक महामंडळाच्या योजनांचा लाभ घेण्याचे आवाहन