Dainik Maval News : महाराष्ट्राच्या बाहेरून हजारो किलोमीटर अन शेकडो चेकपोस्ट पार करत पिंपरी-चिंचवड मार्गे नवी मुंबई येथील जवाहरलाल नेहरू पोर्ट ट्रस्ट (जेएनपीटी) येथे नेण्यात येणारे 9 कोटींचे रक्त चंदन पिंपरी-चिंचवड पोलिसांच्या मालमत्ता गुन्हे विरोधी पथकाने पकडले.
पुणे- मुंबई एक्सप्रेस वे वरील उर्से टोल नाक्याजवळ रविवारी (दि.2) सायंकाळी रक्तचंदनाची तस्करी करणारा कंटेनर पकडण्यात आला. यात रक्तचंदनाची अवैधरित्या वाहतुक करणाऱ्या दोन जणांना ताब्यात घेऊन सुमारे 9 कोटी रुपये किमतीचे रक्तचंदन जप्त करण्यात आले.
- शिरगाव पोलीस ठाण्यात याप्रकरणी भारतीय न्याय संहिता कलम 303 (2), 3 (5), भारतीय वन अधिनियम, महाराष्ट्र खासगी वृक्षतोड अधिनियमान्वये गुन्हा दाखल करण्यात आला आहे. राजाराम गंगाराम गायखे (वय 37 वर्षे रा. काळेवाडी, ता. पारनेर, जि. अहिल्यानगर), हरप्रितसिंग धरमसिंग बदाना (वय 42 वर्षे रा. विराज रेसिडेन्सी वेस्ट ठाणे) यांना पोलिसांनी ताब्यात घेतले आहे.
गुन्हे शाखेचे पोलिस उप आयुक्त संदीप डोईफोडे यांनी दिलेल्या माहितीनुसार, रविवार रोजी मालमत्ता गुन्हे विरोधी पथकातील अधिकारी व अंमलदार हे पिंपरी चिचवड आयुक्तलाच्या हद्दीमध्ये पेट्रोलिंग करत असताना सहायक पोलीस फौजदार महेश खांडे व पोलीस हवालदार नितीन लोखंडे यांना गुप्त बातमीदारामार्फत बातमी मिळाली की, पुणे मुबंई एक्सप्रेस वे वरती एमएच/43/वाय/0742 या कंटेनरमध्ये अवैधरित्या मालाची वाहतुक होत आहे.
त्यानंतर मालमत्ता विरोधी पथकाच्या टीमने पुणे मुबंई एक्सप्रेस वे वर शिरगाव परंदवाडी पोलीस ठाण्याच्या हद्दीत जुना ऊर्से टोलनाक्या जवळ सापळा रचुन शिताफिने एमएच/43/वाय/0742 हा कंटेनर ताब्यात घेतला. यावेळी कंटेनरमध्ये 11 टन 490 किलोग्रॅम वजनाचे 8 कोटी 61 लाख 75 हजार रुपये किंमतीचे रक्तचंदनाच्या लाकडांचे ओडके मिळून आले.
सदर उल्लेखनीय कामगिरी ही पोलीस आयुक्त विनयकुमार चौबे, पोलीस सह आयुक्त शशिकांत महावरकर, अपर पोलीस आयुक्त वसंत परदेशी, पोलीस उप-आयुक्त गुन्हे संदीप डोईफोडे, सहाय्यक पोलीस आयुक्त गुन्हे १ डॉ. विशाल हिरे यांच्या मार्गदर्शनाखाली मालमत्ता गुन्हे विरोधी पथकाचे वरिष्ठ पोलीस निरीक्षक विजय ढमाळ, पोलीस उप निरीक्षक भरत गोसावी, पोलीस अंमलदार महेश खांडे, आशिष बनकर, नितीन लोखंडे, पोलीस हवालदार गडदे, पोलीस नाईक गणेश कोकणे, अमर कदम, हर्षद कदम, अमोल गोरे, मोहसीन आत्तार यांनी केली आहे.
( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअ‍ॅप चॅनेलवर )
अधिक वाचा –
– मावळात ‘पुष्पा’चा कंटेनर पकडला ; शिरगावजवळ कोट्यवधीचे रक्त चंदन जप्त, आंतरराष्ट्रीय तस्करी रॅकेटचा पर्दाफाश
– संत तुकाराम साखर कारखान्याच्या निवडणुकीचे बिगूल वाजले ! आजपासून निवडणूक प्रक्रिया सुरू – वाचा सविस्तर
– दिलासादायक : तळेगाव-चाकण-शिक्रापूर परिसरातील वाहतूक कोंडी सुटणार, विकास प्रकल्पांसाठी राज्य सरकार सकारात्मक
