Dainik Maval News : लोहगड-भाजे या अरुंद आणि नादुरुस्त रस्त्यावर सातत्याने वाहतूक कोंडी होत आहे. त्यामुळे पर्यटक त्रस्त झाले आहेत. या रस्त्याचे तातडीने रुंदीकरण करण्याची मागणी श्री शिवाजी रायगड स्मारक मंडळ संचलित लोहगड विसापूर विकास मंचकडून कऱण्यात आली आहे. याबाबत संघटनेच्या पदाधिकाऱ्यांनी तहसीलदार विक्रम देशमुख यांना निवेदन दिले आहे.
जागतिक वारसा स्थळांच्या यादीत लोहगडाचे नामांकन झाले आहे. तसेच, लोहगडला मोठ्या संख्येने शिवप्रेमी व पर्यटक येत असतात.सध्या देशी-विदेशी पर्यटकसुद्धा मोठ्या संख्येने या गडाला भेट देत असतात. लोहगड-भाजे हा रस्ता अतिशय अरुंद असून तो धोकादायक बनला आहे. साइड पट्टीवर मोठे खड्डे पडल्यामुळे शिवप्रेमींना गडावर जाण्यासाठी जीव मुठीत घेऊन प्रवास करावा लागतो. पावसाळ्यात सुट्ट्यांच्या दिवशी पर्यटक मोठ्या संख्येने भेट देतात. त्यांना रस्त्यावर ठिकठिकाणी अपघाताला सामोरे जावे लागते. बरेच पर्यटक नवीन असल्यामुळे व त्यांना घाटाची माहिती नसते. त्यांचे वाहन मध्येच अडकून पडते. विदेशी पर्यटकांना मनस्ताप सहन करावा लागतो. त्यामुळे या रस्त्याचे तातडीने रुंदीकरण होणे गरजेचे आहे, अशी मागणी निवेदनातून करण्यात आली आहे.
लोहगड विसापूर विकास मंचचे संस्थापक सचिन टेकवडे, अध्यक्ष विश्वास दौंडकर, मार्गदर्शक संदीप गाडे, सचिन निंबाळकर, कार्याध्यक्ष सागर कुंभार, खजिनदार अनिकेत आंबेकर, सदस्य चेतन जोशी, बसप्पा भंडारी, गणेश उंडे, अमोल गोरे, अजय मयेकर, अमोल मोरे, संदीप भालेकर, ओमकार मेढी, सिद्धू जाधव आदी कार्यकर्ते याबाबत सातत्याने शासन दरबारी पाठपुरावा करत आहेत.
लोहगड-भाजे रस्त्याचे शासनाने त्वरित रुंदीकरण करावे. आवश्यक त्या धोकादायक ठिकाणी संरक्षक कठडे करावेत. धबधब्याच्या ठिकाणी वाहनांचे रस्त्यावर पार्किंग बंद करावे. संपूर्ण घाट क्षेत्रात नो-पार्किंग झोन करावा. काही जण गाडी वाहने रस्त्याकडेला उभी करून हुल्लडबाजी करतात. रस्त्याचे रुंदीकरण होईपर्यंत ‘वन वे’ केल्यास वाहतूक कोंडीची समस्या बऱ्यापैकी सुटेल, असे मंचचे संस्थापक सचिन टेकवडे यांनी सांगितले.
( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअ‍ॅप चॅनेलवर )
अधिक वाचा –
– आंबी मावळ येथील अत्याधुनिक तंत्रज्ञानयुक्त मल्टीस्पेशालिटी रुग्णालयाचे मुख्यमंत्र्यांच्या हस्ते उद्घाटन । Maval News
– नाणे मावळातील करंजगाव ग्रुप ग्रामपंचायतीच्या सरपंचपदी कौशल्या पवार यांची निवड । Maval News
– आगामी स्थानिक स्वराज्य संस्थांच्या निवडणुकीच्या पार्श्वभूमीवर मावळ तालुका शिवसेना पदाधिकाऱ्यांची बैठक । Maval News
