Dainik Maval News : अखिल महाराष्ट्र मध्यवर्ती गुरव समाज परिषद व सोलापूर जिल्हा सकल गुरव समाज संस्था यांच्या वतीने देवघर (ता. मावळ) येथील पोलीस पाटील, ज्येष्ठ प्रवचनकार हभप अनंता महाराज शिंदे यांना वारकरी संप्रदायातील विशेष योगदानाबद्दल समाजभूषण पुरस्कार देऊन गौरविण्यात आले.
वेळापूरकर गुरव स्मृती प्रित्यर्थ, महाराष्ट्र मध्यवर्ती गुरव समाज परिषद अध्यक्ष प्रतापराव कृष्णा गुरव यांच्या माध्यमातून माळशिरस येथील वेळापूर येथे हा पुरस्कार सोहळा संपन्न झाला.
ज्येष्ठ साहित्यिक डॉ. बाबूराव जाधव, सुरक्षा साखरे, राजेंद्र गुरव यांसह विदर्भ, उत्तर महाराष्ट्र, पश्चिम महाराष्ट्र, कोकण, मुंबई, नवी मुंबई विभागातून गुरव समाजातील नागरिक यावेळी मोठ्या संख्येने उपस्थित होते. अनंता महाराज शिंदे हे मावळ तालुक्यात गेली अनेक वर्षे कीर्तन, प्रवचनाच्या माध्यमातून समाज प्रबोधन करीत आहेत. तसेच सध्या ते देवघर गावचे पोलीस पाटील पदाची धुरा संभाळत आहेत.
( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
अधिक वाचा –
– श्री खंडोबा देवाच्या सोमवती यात्रेच्या अनुषंगाने सोमवारी 30 डिसेंबर रोजी वाहतूक मार्गात मोठा बदल – जाणून घ्या
– थर्टी फर्स्ट, नववर्षाच्या स्वागतासाठी पवना धरण परिसरात येण्याचा प्लॅन करताय ? आधी ही बातमी वाचा । Pavana Nagar News
– विजयस्तंभ अभिवादन कार्यक्रमानिमित्त पुणे जिल्ह्यातील वाहतुकीत मोठा बदल ; पाहा कोणते मार्ग बंद, कोणते सुरु
