Dainik Maval News : मावळ विधानसभा मतदारसंघात पोलिसांकडून विधानसभा निवडणुकीच्या अनुषंगाने कारवाया सुरुच आहेत. काही दिवसांपूर्वी विविध कारवायांत पोलिसांनी बेहिशोबी रक्कम जप्त केली होती. त्यानंतर आता मतदारसंघात बेहिशोबी साड्या जप्त करण्यात आल्या आहेत.
याबाबत पोलिसांनी दिलेल्या माहितीनुसार, मावळ विधानसभा मतदारसंघात रविवारी (दि.१०) पोलीस उपनिरीक्षक भारत वारे हे निवडणुकीच्या अनुषंगाने शिंदे वस्ती, सोमाटणे फाटा, तळेगाव दाभाडे याठिकाणी बीट मार्शल यांच्यासह पेट्रोलिंग करीत होते. तेव्हा सायंकाळी साडेपाचच्या सुमारास पांढऱ्या रंगाच्या स्कॉर्पिओ कार (वाहन क्रमांक एमएच १४ केएन ७६९६) या गाडीमध्ये ९ हजार ६०० रुपये किंमतीच्या एकूण ३२ साड्या मिळून आल्या.
वाहनात गणेश सदाशिव शिंदे (वय ३५, रा. गणेशनगर, शिंदेवस्ती, ता.मावळ) हा उपस्थित होता. शिंदे याच्याकडे सदरच्या साड्या वाहनात कुठून आणल्या याबाबत विचारणा केली व कागदपत्रे मागितली असता, शिंदे यानी पोलिसांना कोणतीही कागपत्रे दाखवली नाही. त्यामुळे पोलीस उपनिरीक्षक वारे यांनी पंचासमक्ष सर्व साड्या जप्त केल्या आणि पोलीस ठाण्यात जमा केल्या.
त्यानंतरही या साड्यांबाबत गणेश शिंदे यांनी कोणतीही पावती न दाखविल्याने ३२ साड्या सीलबंद करून जप्त करण्यात आल्या आहेत, अशी मागिती पोलिसांनी दिली. ( Sarees seized in Maval Assembly Constituency )
( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
अधिक वाचा –
– ‘केवळ मला बदनाम करून तुम्ही ही निवडणूक जिंकू शकत नाही’ : सुनिल शेळके यांचा विरोधकांना टोला
– ‘मी तालुक्यासाठी 4,158 कोटींचा विकासनिधी आणला, तुम्ही निदान 8,000 कोटींचा शब्द तरी द्या’ – आमदार शेळके
– मावळची संस्कृती बिघडवून टाकली ; बापूसाहेब भेगडे यांची आमदार सुनिल शेळकेंवर तीव्र शब्दात टीका । Bapu Bhegade
