राष्ट्रवादी काँग्रेस पक्षाचे प्रदेशाध्यक्ष (NCP State President ) माजी जलसंपदा मंत्री जयंत पाटील ( Jayant Patil ) यांच्या हस्ते तसेच मावळचे खासदार श्रीरंग आप्पा बारणे ( MP Shrirang Appa Barne ) मावळचे आमदार सुनिल शेळके ( MLA Sunil Shelke ) यांच्या प्रमुख उपस्थितीत दैनिक पुढारी आयोजित मावळ गौरव सन्मान पुरस्कार सोहळा वडगाव मावळ ( Vadgaon Maval ) येथे संपन्न झाला. या कार्यक्रमाचे अध्यक्ष ज्येष्ठ इतिहास संशोधक पांडुरंगजी बलकवडे होते.
सामाजिक, कृषी, वैद्यकीय, सहकार, पर्यावरण, शैक्षणिक, सांप्रदायिक अशा विविध क्षेत्रात कार्य करणाऱ्या मावळ तालुक्यातील व्यक्तींना व संस्थांना मावळ गौरव पुरस्काराने सन्मानित करण्यात आले. यामध्ये तनिष्का नागरी सहकारी पतसंस्थेस पुढारी मावळ गौरव सन्मान देऊन सन्मानित करण्यात आले. ( Tanishka Civil Co Operative Credit Institution Received Maval Gaurav Samman Award )
दैनिक मावळचा व्हॉट्सअॅप ग्रुप जॉइन करण्यासाठी इथे क्लिक करा
हा सन्मान या संस्थेचे सामाजिक कार्य पाहून देण्यात आला. या संस्थेची स्थापना जनहिताय धनवर्धनाय हे बीद वाक्य घेऊन महिला दिनाचे औचित्य साधुन 8 मार्च 2016 रोजी झाली. या संस्थेचे उदघाटन खा सुप्रिया सुळे यांच्या हस्ते करण्यात आले आहे. ही पतसंस्था मावळमध्ये कार्यरत असुन संस्था महिला संचालित असलेली ही मावळ तालुक्यातील एकमेव पतसंस्था आहे.
समाजातील होतकरू, व्यवसायिक, गरजू, कष्टकरी महिलांना कर्ज देणे, त्यांचे आर्थिक उन्नती करण्याचा उद्दिष्टांने दैनंदिन बचत ठेव करून घेणे, अशाप्रकारची विविध कामे या संस्थेच्या माध्यमातून केली जातात. या संस्थेच्या माध्यमातून अनाथ आश्रमात धान्य वाटप, शालेय मुलीसाठी शाळेमध्ये पेंडिंग मशीन वाटप, अनाथ मुलींना शालेय साहित्य वाटप, सामुदायिक विवाहसोहळा प्रयोजन आणि जागतिक महिला दिन निमित्त कष्टकरी महिलांचा सत्कार समारंभ असे सामाजिक उपक्रम देखील केले आहेत. या संस्थेच्या माध्यमातून महिलांना सक्षम करणे आणि सामाजिक कार्य करून लोकांना जास्तीत जास्त मदत करण्याचा हेतू आहे.
अधिक वाचा –
आमचं ठरलंय..! खासदार बारणेंनी सांगितली मावळ लोकसभेची रणनिती; कुठल्या पक्षातून, कुठल्या चिन्हावर सर्वकाही फिक्स
अरे देवा..! म्हशीने घरासमोर शेण टाकले म्हणून दोन कुटुंबांत फ्री-स्टाईल हाणामारी
