Dainik Maval News : जुन्या मुंबई पुणे राष्ट्रीय महामार्गावर खंडाळ्यातील पोलीस प्रशिक्षण केंद्राजवळील पेट्रोल पंपासमोर भरधाव वेगात जाणाऱ्या मोटारसायकलची समोरून येणाऱ्या भाजी व तरकारीची वाहतूक करणाऱ्या पिकअपला जोरात धडक बसून झालेल्या अपघातात मोटारसायकल चालकाचा जागीच मृत्यू झाला.
हा अपघात गुरुवारी दुपारी साडेचार वाजता झाला. सौरव सुखदेव वाघ (वय २४, रा. वाकसई चाळ, वाकसई, ता. मावळ) असे अपघातात मृत्यू झालेल्या मोटारसायकल स्वाराचे नाव आहे.
अपघाताची माहिती मिळताच लोणावळा शहर वाहतूक लोणावळा शहर पोलिसांनी घटनास्थळी धाव घेत घटनेची पाहणी केली. अपघातातील जखमी मोटारसायकल स्वाराला उपचारासाठी तत्काळ नजीकच्या हॉस्पिटलमध्ये दाखल करण्यात आले. मात्र तत्पूर्वीच त्याचा मृत्यू झाला असल्याचे डॉक्टरांनी सांगितले. वाहतूक पोलिसांनी दोन्ही अपघातग्रस्त वाहने बाजूला करून वाहतूक सुरळीत केली.
( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअ‍ॅप चॅनेलवर )
अधिक वाचा –
– जागतिक पर्यावरण दिन । राज्यात यंदा दहा कोटी वृक्ष लागवड करणार – मुख्यमंत्री देवेंद्र फडणवीस यांची घोषणा
– ‘एमएसआरडीसी’कडून पुणे-मुंबई महामार्गावर अपघातप्रवण क्षेत्रात उपाययोजना ; वडगाव फाटा, कामशेत घाट, शिलाटणे फाटा भागाचा समावेश
– महिला व मुलींच्या सक्षमीकरणासाठी जिल्हा परिषद उत्पन्नाच्या निधीतून योजना राबविण्याचा ग्रामविकास विभागाचा निर्णय!
