Dainik Maval News : जुना पुणे – मुंबई महामार्गावर सोमाटणे टोलनाका येथे शनिवारी (दि. 7) सकाळच्या सुमारास भीषण अपघात झाला. एका खासगी बसने दुचाकीला पाठीमागून धडक दिली. यात दुचाकीवर पाठीमागे बसलेली महिला गंभीर जखमी होऊन तिचा यात मृत्यू झाला.
- पूजा भंडप्पा बिराजदार (रा. दापोडी) असे अपघातात मृत्यूमुखी पडलेल्या महिलेचे नाव आहे. याप्रकरणी तळेगाव दाभाडे पोलीस ठाण्यात गुन्हा दाखल करण्यात आला आहे. पोलिसांनी दिलेल्या माहितीनुसार, दुचाकी चालक विठ्ठल पिरोजीराव पवार (रा. काटे चाळ, दापोडी) आणि पूजा भंडप्पा बिराजदार (रा. दापोडी) हे दोघे मोटारसायकलवरून पुण्याहून तळेगावच्या दिशेने येत होते.
सोमाटणे टोलनाक्याजवळ ते आले असता पाठीमागून भरधाव वेगाने आलेल्या खासगी बसने त्यांच्या दुचाकीला जोरदार धडक दिली. यामुळे दुचाकीवर पाठीमागे बसलेली महिला पूजा बिराजदार या गंभीररित्या जखमी होऊन जागीच मृत्यूमुखी पडल्या. घटनेची माहिती मिळताच तळेगाव दाभाडे पोलीस घटनास्थळी दाखल झाले. परिसरातील सीसीटीव्ही फुटेजच्या आधारे बस मालक/चालक यांचा शोध सुरू आहे.
( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअ‍ॅप चॅनेलवर )
अधिक वाचा –
– देहूनगरीत तुकोबारायांच्या पालखी सोहळ्याची लगबग सुरू ! वारकऱ्यांची सुरक्षा, सोयीसुविधांबाबत आढावा बैठक संपन्न । Dehu News
– सोमवारपासून लोणावळ्यातील भांगरवाडी रेल्वे उड्डाणपुलाचे काम सुरू करा ! जिल्हाधिकाऱ्यांचा ‘ऑन द स्पॉट’ निर्णय । Lonavala News
– ‘एमएसआरडीसी’कडून पुणे-मुंबई महामार्गावर अपघातप्रवण क्षेत्रात उपाययोजना ; वडगाव फाटा, कामशेत घाट, शिलाटणे फाटा भागाचा समावेश
