Dainik Maval News : पवना शिक्षण संकुल, पवनानगर येथे आंतरराष्ट्रीय योग दिन (दि. २१ जून) अत्यंत उत्साहात साजरा करण्यात आला. पवना शिक्षण संकुलातील भव्य दिव्य माजी विद्यार्थी सांस्कृतिक सभागृहात एकाचवेळी १००० विद्यार्थ्यांना योगाचे धडे देण्यात आले. तसेच विद्यार्थ्यांना योगा आणि प्राणायाम याचे महत्त्व सांगण्यात आले.
यावेळी बोलताना संकुलाचे प्राचार्य भाऊसाहेब आगळमे म्हणाले की, भारतीय प्राचीन संस्कृती, परंपरा आणि योग, योगासने त्याचबरोबर योगसाधना यांना अनन्य साधारण महत्त्व आहे. शारीरिक, मानसिक तसेच आध्यात्मिक व भावनिक यांचे संतुलन नीट राहण्यासाठी योगासने करणे खुप गरजेचे आहे.
योग शिक्षिका वैशाली वराडे यांनी योगाचे व प्राणायमाचे महत्व सांगितले. आजच्या या धकाधकीच्या जीवनात योगाच्या माध्यमातून आपण सर्वजण आपले शरीर तंदरूस्त ठेवू शकतो. शिवाय मनावरही चांगले संस्कार करतात येतात.
संकुलाचे प्राचार्य भाऊसाहेब आगळमे, क्रीडा विभाग प्रमुख गणेश ठोंबरे, वैशाली वराडे, नेहा बारमुख, राजकुमार वरघडे, वर्षा पोखरकर यांनी योगांची प्रात्यक्षिके करुन दाखवली. विद्यार्थ्यांनी उत्साहाने यात सहभाग घेत विविध प्रात्याक्षिके केली.
( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
अधिक वाचा –
– मावळ तालुक्यात दहा दिवसांत विविध ठिकाणी ९ अजगर सापांना ‘वन्यजीव रक्षक मावळ’ व ‘शिवदुर्ग मित्र’च्या सर्पमित्रांकडून जीवदान । Maval
– राज्य सरकारने शब्द पाळला… आषाढी एकादशी वारीसाठी दिंड्यांना २.८ कोटींचे अनुदान देण्यास मान्यता । Ashadhi Vari 2025
– जन्मदात्याकडून अल्पवयीन लेकीवर लैंगिक अत्या’चार ! लोणावळा शहाराजवळील संतापजनक घटना । Maval Crime
