Dainik Maval News : महाराष्ट्र विधानसभा निवडणूक कार्यक्रमपत्रिकेनुसार उमेदवारी अर्ज दाखल करण्याची अंतिम मुदत ही मंगळवारी (दि.29) दुपारी तीन वाजेपर्यंत होती. त्यानुसार निवडणूक कार्यालयाने दिलेल्या माहितीनुसार एकूण 6 दिवसांच्या कालावधीत मावळ विधानसभा मतदारसंघात 18 उमेदवारांकडून उमेदवारी अर्ज दाखल करण्यात आले आहेत. तर नामनिर्देशन पत्र दाखल संख्या ही एकूण 26 इतकी आहे.
एकूण 70 नामनिर्देशन फॉर्मची विक्री –
निवडणूक कार्यालयाकडून दिनांक 22 ऑक्टोबरला एकूण 6 उमेदवारांनी 15 अर्ज नेले, 23 ऑक्टोबर रोजी 7 उमेदवारांनी 12 अर्ज नेले, 24 ऑक्टोबरला 3 उमेदवारांनी 6 अर्ज नेले, 25 ऑक्टोबरला 3 उमेदवारांनी 8 अर्ज नेले, 28 ऑक्टोबरला 15 उमेदवारांनी 21 अर्ज नेले आणि 29 ऑक्टोबरला 8 उमेदवारांनी 8 अर्ज नेले. एकूण 42 उमेदवारांना 70 नामनिर्देशन फॉर्मची विक्री करण्यात आली.
एकूण 18 उमेदवारांकडून अर्ज दाखल –
निवडणूक कार्यालयात दिनांक 22 आणि 23 ऑक्टोबर रोजी एकाही उमेदवाराने उमेदवारी अर्ज भरला नाही. दिनांक 24 ऑक्टोबर रोजी 2 उमेदवारांनी उमेदवारी अर्ज भरले. दिनांक 25 ऑक्टोबर रोजी 1 उमेदवाराने उमेदवारी अर्ज भरला. दिनांक 28 ऑक्टोबरला 1 उमेदवाराने उमेदवारी अर्ज भरला आणि शेवटच्या दिवशी 14 उमेदवारांनी उमेदवारी अर्ज भरले. एकूण 6 दिवसात 18 उमेदवारांनी उमेदवारी अर्ज दाखल केले. तर 18 उमेदवारांकडून एकूण 26 नामनिर्देशन पत्र दाखल करण्यात आले आहेत. निवडणूक कार्यालयात निवडणूक निर्णय अधिकारी सुरेंद्र नवले यांच्याकडे हे उमेदवारी अर्ज दाखल करण्यात आले.
कोणत्या उमेदवारांनी भरले उमेदवारी अर्ज?
मावळ विधानसभेसाठी राष्ट्रवादी काँग्रेस पक्षाकडून सुनिल शंकरराव शेळके यांनी उमेदवारी अर्ज गुरुवारी (दि.24) दाखल केला. सुनिल शेळके हे मावळ विधानसभेसाठी महायुतीचे अधिकृत उमेदवार आहेत. तर अपक्षामध्ये राष्ट्रवादीचे बंडखोर बापू जयवंतराव भेगडे यांनी सोमवारी (दि.28) अपक्ष उमेदवारी अर्ज भरला. त्यासोबत गोपाळ तंतरपाळे, रविंद्र भेगडे, सारिका शेळके, मुकेश आगरवाल, रुपाली बोचकेरी, बाळासाहेब नेवाळे, अमृता आपटे, सुरेश्वरी ढोरे, बीडन तरफदार, दादासाहेब यादव आदींनी उमेदवारी अर्ज दाखल केले आहेत.
( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअ‍ॅप चॅनेलवर )
अधिक वाचा –
– आई – बाबा मतदान करा… मावळ विधानसभा मतदारसंघात विद्यार्थ्यांकडून आई-बाबांना मतदानाचे आवाहन
– देवेंद्र फडणवीसांचा आदेश डावलला, बाळा भेगडे यांचा बापू भेगडेंना पाठींबा कायम, महायुतीच्या उमेदवाराचे काम करणार नाही !
– मोठी घडामोड ! भाजपाच्या प्रमुख पदाधिकाऱ्यांना सोबत घेवून रविंद्र भेगडे यांनीही भरला उमेदवारी अर्ज । Maval Vidhan Sabha
