Dainik Maval News : जागतिक पर्यावरण दिन (दि. 5 जून) औचित्य साधून वडगाव मावळ महावितरण उपविभागाकडून बेलज उपकेंद्रात गुरुवारी सकाळी अकरा वाजता 51 देशी आणि वनऔषधी वृक्षांची लागवड करण्यात आली.
वडगाव मावळ महावितरण उपकार्यकारी अभियंता राहुल परदेशी म्हणाले, माणसे नसतील तर झाडे जगतील पण झाडांशिवाय माणसे जगू शकणार नाहीत. प्रत्येक व्यक्तींनी जीवनात वयाप्रमाणे वृक्षारोपण करून संवर्धन संरक्षण करावे. तापमान वाढ रोखण्यासाठी वृक्षारोपण काळाची गरज आहे. वृक्षारोपणात देशी व वनौषधी वृक्षांचे रोपण मोठ्या प्रमाणावर करावे, यामुळे वन्यजीवांना अन्न उपलब्ध होईल. पर्यावरणाचे संरक्षण करणे प्रत्येक व्यक्तींची जबाबदारी आहे.
याप्रसंगी सहाय्यक अभियंता तायप्पा भंडारे, कनिष्ठ अभियंता राहुल लकडे, कृष्णा कुसाळकर, ममताजी शिंदे, सुरेश पाटील, बहुसंख्येने लाइनमन उपस्थित होते. कार्यक्रमाचे प्रास्ताविक सहाय्यक अभियंता तायप्पा भंडारे यांनी केले. सूत्रसंचालक कनिष्ठ अभियंता राहुल लकडे यांनी केले. आभार कृष्णा कुसाळकर यांनी मानले.
( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
अधिक वाचा –
– देहूनगरीत तुकोबारायांच्या पालखी सोहळ्याची लगबग सुरू ! वारकऱ्यांची सुरक्षा, सोयीसुविधांबाबत आढावा बैठक संपन्न । Dehu News
– सोमवारपासून लोणावळ्यातील भांगरवाडी रेल्वे उड्डाणपुलाचे काम सुरू करा ! जिल्हाधिकाऱ्यांचा ‘ऑन द स्पॉट’ निर्णय । Lonavala News
– ‘एमएसआरडीसी’कडून पुणे-मुंबई महामार्गावर अपघातप्रवण क्षेत्रात उपाययोजना ; वडगाव फाटा, कामशेत घाट, शिलाटणे फाटा भागाचा समावेश
