Dainik Maval News : देहू नगरपंचायत हद्दीतील अनधिकृत नळजोड धारकाला वीस हजार रुपये, उघड्यावर कचरा टाकणाऱ्याला एक हजार रुपये, वृक्षतोड करणाऱ्याला पाच हजार रुपये दंड आकारण्याचा निर्णय विशेष सभेत घेण्यात आला. या विशेष सभेच्या अध्यक्षस्थानी नगराध्यक्ष पूजा दिवटे होत्या. तर मुख्याधिकारी निवेदिता घार्गे, नगरसेवक, नगरसेविका, नगरपंचायतीचे अधिकारी यावेळी उपस्थित होते.
नगरपंचायत हद्दीमध्ये सुमारे 14 हजार मिळकतीच्या नोंदी असून तीन हजार अधिकृत नळजोड धारक आहेत. शहरातील अनेक थकीत मिळकत धारकांकडे कर वसुली दरम्यान अनधिकृत नळजोड आढळून आले असल्याने अशा अनधिकृत नळजोड धारकांना वीस हजार रुपयांचा दंड आकारून अधिकृ करण्यात निर्णय घेण्यात आला.
शहरात घंटागाड्या प्रभागात येत असतानाही अनेक नागरिक उघड्यावर व रस्त्याच्या कडेला कचरा टाकत असल्याचे दिसून येत असून अशा व्यक्तींकडून एक हजार रुपये दंड वसूल करण्याचा निर्णय घेण्यात आला आहे. तसेच परिसरामध्ये मोठ्या प्रमाणात बांधकाम सुरू असून बांधकाम करण्यासाठी वृक्षतोड करण्यात येत असल्याचे आढळल्याने वृक्षतोड करणाऱ्या कडून पाच हजारांचा दंड आकारण्याचा निर्णय घेण्यात आला आहे.
( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
अधिक वाचा –
– श्री खंडोबा देवाच्या सोमवती यात्रेच्या अनुषंगाने सोमवारी 30 डिसेंबर रोजी वाहतूक मार्गात मोठा बदल – जाणून घ्या
– थर्टी फर्स्ट, नववर्षाच्या स्वागतासाठी पवना धरण परिसरात येण्याचा प्लॅन करताय ? आधी ही बातमी वाचा । Pavana Nagar News
– विजयस्तंभ अभिवादन कार्यक्रमानिमित्त पुणे जिल्ह्यातील वाहतुकीत मोठा बदल ; पाहा कोणते मार्ग बंद, कोणते सुरु
