वडगाव मावळ येथे श्री पोटोबा महाराज मंदिर परिसरात असलेले ऐतिहासिक तळे सध्या प्रचंड चर्चेत आहे. चर्चेचे कारण म्हणजे गुढीपाडवा सणाच्या पूर्वसंध्येला याठिकाणी एका चिमुकल्याचा बुडून मृत्यू झालाय. या घटनेबद्दल संपूर्ण वडगाव शहरासह मावळ तालुक्यात शोक व्यक्त केला जातोय. तसेच घटनेच्या मुळाशी जाता वडगावच्या या तळ्याची सुरक्षितता आणि झालेली दुरावस्था याबद्दल चर्चा होत आहे. जर हे तळे सुस्थितीत असते, तळ्याभोवती सुरक्षेच्या दृष्टीने उपाययोजना असत्या, कठडे सुस्थितीत असते, तर कदाचित हा अपघात घडला नसता आणि चिमुकला समर वाचला असता. ( मावळ, पिंपरी-चिंचवड, पुणे परिसरातील ताज्या अपडेट्ससाठी दैनिक मावळचा व्हॉट्सअॅप चॅनेल जॉईन करा )
त्यामुळे ह्या अपघातानंतर तरी किमान या तळ्याबद्दल विचार होऊन त्यासाठी योग्य ती पाऊले प्रशासनाने उचलावीत अशी मागणी केली जात आहे. वडगाव मावळ शहरातील जय बजरंग तालीम मंडळाने याबाबत वडगाव नगरपंचायतचे मुख्याधिकारी तथा प्रशासक प्रवीण निकम यांना पत्र वजा निवेदन दिले आहे. त्यात, श्री पोटोबा महाराज मंदिर आवारातील या पेशवेकालीन तळ्याची तटबंदी दुरुस्ती करणे आणि सुशोभीकरण याबाबत मागणी करण्यात आली आहे. ( Vadgaon Maval Potoba Maharaj Mandir Historical Pond Need To Clean And Repair Early )
जय बजरंग तालीम मंडळाने नगरपंचायत मुख्याधिकारी प्रवीण निकम यांना लिहिलेले पत्र;
“आम्ही आपणास वरील विषयान्वये विनंती करतो की, ग्रामदैवत श्री पोटोबा महाराज मंदिर आवारामध्ये पेशवेकालीन तळे असून या तळ्याला ऐतिहासिक पार्श्वभूमी आहे. सदरचे तळे ग्रामपंचायत काळात एका ठेकेदाराला भाडेतत्त्वावर देण्यात आले होते. सबंधित ठेकेदाराने तळ्याची देखभाल, डागडुजी करणेचे ठरले होते. सबंधित ठेकेदाराच्या कराराला अनेक वर्षे झाली आहेत. तसेच ग्रामपंचायत काळात बांधण्यात आलेले कठडे तुटले आहेत व तळ्यातील पाणीही अत्यंत दूषित झालेले आहे.
चार दिवसांपूर्वी या परिसरात वास्तव्यास असलेल्या कुटुंबातील एक लहान मुलाचा तळ्यात पडल्याने मृत्यू झाला, ही अत्यंत खेददायक बाब आहे. तळ्याचे कठडे सुस्थितीत असते तर कदाचित ही दुर्घटना टळली असती. या घटनेचा गांभीर्याने विचार करून सर्वप्रथम तळ्याच्या भोवती असलेले कठडे तातडीने दुरुस्त करावेत, अन्यथा सुरक्षेच्या दृष्टीने व्यवस्था करावी. तसेच ऐतिहासिक पार्श्वभूमी असलेल्या या तळ्यात स्वराज्य संस्थापक छत्रपती शिवाजी महाराजांचे अश्वारूढ पुतळा उभारून सर्वासाठी दर्शनासाठी तो खुला असावा व सुशोभीकरण करून हा ऐतिहासिक ठेवा जपावा, अशी मागणी आणि विनंती आम्ही करत आहोत.”
अधिक वाचा –
– शिरगाव येथील शारदाश्रम प्राथमिक आश्रमशाळेला 7.50 लाखाचे सांडपाणी प्रक्रिया संयंत्र प्रदान । Maval News
– मावळ लोकसभा मतदारसंघ : पहिल्यांदाच घड्याळाशिवाय होणार मावळ लोकसभेची निवडणूक । Maval Lok Sabha
– वडगाव शहर भाजपा पदाधिकाऱ्यांच्या नव्या नियुक्त्या जाहीर, शहर अध्यक्षपदी ‘यांना’ संधी । Vadgaon Maval
