Dainik Maval News : स्टॉक मार्केट चे प्रशिक्षण आणि गुंतवणुकीच्या नावाखाली तळेगाव दाभाडे येथील एकाची ११ लाख २० हजार रुपयांची ऑनलाईन आर्थिक फसवणूक केल्याचा गंभीर प्रकार समोर आला आहे. याप्रकरणी तीन आरोपींवर गुन्हा दाखल करण्यात आला आहे.
दिनांक १५ ऑक्टोबर २०२५ ते १७ मार्च २०२६ दरम्यान हा प्रकार घडला. याप्रकरणी विजय चंद्रकांत शहाणे (वय ५८ वर्षे, व्यवसाय नोकरी, राह. शहा कॉलनी, पैसा फंड जवळ, तळेगाव दाभाडे) यांनी फिर्याद दिली आहे.
त्यानुसार आरोपींवर तळेगाव दाभाडे पोलीस ठाण्यात भारतीय न्याय संहिता कलम ३१८ (४), ३(५) प्रमाणे गुन्हा दाखल करण्यात आला आहे. कौस्तुभ टांकसाळे, शुभंकर शर्मा, ब्रेकर धीरज अग्रवाल (पत्ता माहीत नाही) अशी आरोपींची नावे आहेत.
पोलिसांनी दिलेल्या माहितीनुसार, फिर्यादी हे मोबाईलद्वारे स्टॉक मार्केटचे शिक्षण घेण्यासाठी गुगलवर सर्च करीत होते. त्यावेळी इक्विटी पल्स या वेबसाईटवर आरोपी कौस्तुब टांकसाळे याने फिर्यादी यांना त्यांचे व्हॉट्सअप ग्रुपला जॉईन करून घेतले. त्यानंतर आरोपी शुभंकर शर्मा याने स्टॉक मार्केटचे प्रशिक्षण देऊन EPQC PRIME ट्रेडिंग अँप डाऊनलोड करण्यास सांगितले. सदरचे अँप हे सेबी नोंदणीकृत असल्याबाबत सांगून फिर्यादी यांचे इन्वेस्टमेंट एग्रीमेंट सेबी रजिस्टर आरोपी ब्रेकर धीरज अग्रवाल याच्यासोबत करून सदर अँप मध्ये फिर्यादी यांना पैसे गुंतवण्यास सांगितले. या व्यवहारात फिर्यादी यांची एकूण ११ लाख २० हजार रुपये ऑनलाइन आर्थिक फसवणूक केलेली आहे.
पोउपनि पाटील हे पुढील तपास करीत आहेत.
( दैनिक मावळचा व्हॉट्सअॅप चॅनेल जॉइन करण्यासाठी इथे क्लिक करा )
अधिक वाचा :
– मावळच्या निसर्गाचा विनाश थांबवा ! स्थानिक पर्यावरणमित्रांचे वीज प्रकल्पाविरोधात प्रशासनाला निवेदन ; तीव्र आंदोलनाचा इशारा
– आमदार सुनील शेळके यांच्या माध्यमातून शिळींब येथे आदिम सेवा अभियान अंतर्गत ९५ आदिवासी नागरिकांना जातीचे दाखले वाटप
– गॅस सिलिंडर वाहतूक करणाऱ्या टेम्पो चालकाच्या एका चुकीने ज्ञानेश्वरीने गमावला जीव ; सोमाटणे फाटा येथील मन सुन्न करणारी घटना
