Dainik Maval News : वडगाव नगरपंचायत सार्वत्रिक निवडणूक 2025 मध्ये प्रत्यक्ष निवडणुकीची रणधुमाळी सुरू झाली असून प्रचाराची रंगत दिवसेंदिवस वाढत आहे. रविवार, दिनांक 23 नोव्हेंबर रोजी आमदार सुनील शेळके यांच्या उपस्थितीत राष्ट्रवादी काँग्रेस पार्टी पक्षाचा प्रचाराचा शुभारंभ करण्यात आला होता. तदनंतर सोमवारी सर्वच वार्डमधील उमेदवारांनी आपल्या प्रचाराची सुरुवात केली होती.
वडगाव नगरपंचायतीच्या वार्ड क्रमांक सहा मधून राष्ट्रवादी काँग्रेस पार्टीकडून माजी नगराध्यक्ष मयूर ढोरे यांना अधिकृत उमेदवारी देण्यात आली आहे. सोमवारी मयूर ढोरे यांनी आपल्या वार्डमध्ये प्रचार दौरा आयोजित केला होता. यामध्ये वार्डमधील प्रत्येक घरी जाऊन मतदारांच्या गाठीभेटी घेत मयूर ढोरे यांनी मतदारांशी संवाद साधला, यावेळी मतदारांनी देखील मयूर ढोरे यांचे उत्साहात स्वागत केले.
यावेळी मागील पाच वर्षात नगराध्यक्ष म्हणून केलेली कामे आणि आगामी पाच वर्षांत नगरसेवक म्हणून निवडून आल्यास करायची कामे, याचा लेखाजोखा श्री ढोरे यांनी मतदारांपुढे मांडला. मतदारांनी देखील विकासकामांच्या जोरावर मयूर ढोरे यांनाच पसंती देणार असल्याचा विश्वास व्यक्त केला. एकूणच प्रचार दौऱ्यामध्ये नागरिकांच्या सकारात्मक प्रतिसाद श्री. ढोरे यांच्याबाबत पाहायला मिळाला.
“मागील पाच वर्षात आमदार सुनील शेळके यांच्या माध्यमातून शंभर कोटींची जवळपास विकासकामे वडगाव शहरात झाली. येत्या काळामध्येही अशाच प्रकारे वडगावात विकास कामे होतील. परंतु आता नगरसेवक म्हणून वार्ड क्रमांक सहा मध्ये विशेष लक्ष देणार असून या वार्ड साठीचे माझे व्हिजन तयार आहे”, असे मयूर ढोरे यांनी ‘दैनिक मावळ’शी बोलताना सांगितले.
वडगाव नगरीतील एक आदर्श प्रभाग अर्थात आयडियल प्रभाग, स्मार्ट प्रभाग बनविण्यासाठी वॉर्ड सहा मध्ये आपण वेगवेगळ्या उपक्रमांची राबवणी करणार आहोत, तसेच वेगवेगळी विकासकामे पूर्ण करून राहिलेल्या प्रश्नांची पूर्तता सोडवणूक करण्याचे काम पुढील काळात करणार असल्याचा विश्वास मयूर ढोरे यांनी यावेळी व्यक्त केला. यावेळी राष्ट्रवादी काँग्रेस पार्टी पक्षाचे अनेक मान्यवर, युवा सहकारी आणि प्रभागातील नागरिक उपस्थित होते.
( दैनिक मावळचा व्हॉट्सअॅप चॅनेल जॉइन करण्यासाठी इथे क्लिक करा )
अधिक वाचा –
– वडगावमध्ये सतरापैकी नऊ वॉर्डात दुरंगी लढत ! नगराध्यक्षपदासाठी 4 महिला रिंगणात ; आठ वॉर्डात अपक्षांमुळे बहुरंगी लढत
– लोणावळ्यात दोन्ही ‘राष्ट्रवादी’ एकत्र ; शरद पवारांच्या पक्षाचा अजित पवारांच्या पक्षाला पाठिंबा, आमदार सुनील शेळके यांना मोठे यश
– तळेगावमध्ये 19 उमेदवार बिनविरोध नगरसेवक! नगराध्यक्षपदासाठी 3 तर नगरसेवक पदाच्या नऊ जागांसाठी 23 जण रिंगणात । Talegaon Dabhade
