Dainik Maval News : वडगाव नगरपंचायत निवडणुकीसाठी राष्ट्रवादी काँग्रेस पक्षाने आपला पहिला उमेदवार ( दि. 14 ) जाहीर केला. यामध्ये माजी नगराध्यक्ष मयुर ढोरे यांच्या पत्नी अबोली ढोरे यांना नगराध्यक्षपदाची उमेदवारी जाहीर करण्यात आली. अबोली ढोरे यांना पहिली संधी तर सुनिता कुडे यांना दुसरी संधी देण्यात येईल, असे पक्षाचे तालुकाध्यक्ष गणेश खांडगे यांनी सांगितले.
राष्ट्रवादी काँग्रेस पक्ष वडगाव नगरपंचायतीची निवडणूक स्वबळावर लढविणार असून नगराध्यक्षपदाचे उमेदवार म्हणून अबोली मयूर ढोरे यांच्या नावाची अधिकृत घोषणा श्री. खांडगे यांनी केली. पक्षातीलच नगराध्यक्षपदाच्या दुसऱ्या इच्छुक उमेदवार सुनीता दत्तात्रेय कुडे यांनाही पाच वर्षांत नगराध्यक्ष पदाची संधी देण्यात येईल, परंतु याबाबतचा फॉर्म्युला अद्याप ठरला नसून नगरसेवक पदाचे उमेदवार जाहीर करताना याबाबत माहिती दिली जाईल, असे खांडगे यांनी पत्रकार परिषदेत सांगितले.
वडगाव नगरपंचायतीची निवडणूक दोन डिसेंबर रोजी होणार असून निवडणुकीबाबत राष्ट्रवादी काँग्रेस पक्षाची भूमिका मांडण्यासाठी तालुकाध्यक्ष गणेश खांडगे यांनी शुक्रवारी ( दि. 14 ) पत्रकार परिषद घेतली. यामध्ये त्यांनी सांगितले की, आमदार सुनील शेळके यांची दूरदृष्टी व उपमुख्यमंत्री अजित पवार यांचे पाठबळ याच्या जोरावर वडगाव शहरात सुमारे शंभर कोटी रुपयांची विकासकामे केली असून, शंभर कोटींची कामे प्रस्तावित आहेत.
वडगाव नगरपंचायतीची निवडणूक स्वबळावर लढविण्याचा निर्णय पक्षाने घेतला आहे. पक्षात कार्यकर्त्यांची संख्या मोठी असल्यामुळे सतरा प्रभागातील उमेदवारीसाठी अनेक जण इच्छुक आहेत. त्यामुळे यादी जाहीर करण्यास विलंब होत आहे. मात्र, नगराध्यक्ष पदाचा निर्णय एकमताने झाला आहे. पाच वर्षांत अबोली ढोरे व सुनीता कुडे या दोघी जणींना नगराध्यक्षपदाची संधी देण्याचा निर्णय झाला असून त्यांचा कालावधी नंतर निश्चित केला जाईल. पहिली संधी अबोली ढोरे यांना देण्यात येणार असे, सांगताना नगरसेवक पदाची यादीही लवकरच जाहीर होईल, अशी माहिती गणेश खांडगे यांनी दिली.
( दैनिक मावळचा व्हॉट्सअॅप चॅनेल जॉइन करण्यासाठी इथे क्लिक करा )
अधिक वाचा –
– आमदार सुनील शेळके यांचा “तो” शब्द इंदोरी-वराळे जिल्हा परिषद गटाला देखील लागू होणार का? mla sunil shelke
– जिल्हाधिकारी जितेंद्र डुडी यांनी नगरपालिका व नगरपरिषदेच्या तयारीचा घेतला आढावा । Pune News
– खामशेत येथे वारकऱ्यांच्या दिंडीत घुसला कंटेनर, एका महिला वारकरीचा मृत्यू, 10 जण जखमी । Kamshet Accident
