Dainik Maval News : तळेगाव एमआयडीसी पोलिसांनी वाहन चोरी करणाऱ्या तिघांना अटक केली. आरोपींकडून एक लाख १५ हजार रुपये किमतीच्या तीन दुचाकी जप्त करण्यात आल्या आहेत. दरम्यान या कारवाईमुळे वाहन चोरीचे दोन गुन्हे उघडकीस आले आहेत.
सोहेल नवाज खान (२०, रा. महांळुगे, ता. खेड. मूळ रा. कर्नाटक), संतोष अशोक अहिवळे (१९, रा. महाळुंगे, ता. खेड. सोलापूर), सुमीत संतोष शिंगारे (१९, रा. महाळुंगे, ता. खेड. मूळ रा. लातुर) अशी अटक केलेल्या आरोपींची नावे आहेत.
विनोद धनराज मेघावत (२४, पाषाण, पुणे) यांनी याप्रकरणी तळेगाव एमआयडीसी पोलीस ठाण्यात फिर्याद दिली आहे. विनोद यांची दुचाकी १९ जुलै रोजी मावळ तालुक्यातील बदलवाडी येथील एका कंपनीच्या पार्किंग मधून चोरीला गेली होती. या गुन्ह्याचा तपास करण्यासाठी तळेगाव एमआयडीसी पोलिसांनी दोन पथके तयार केली.
पोलिसांनी परिसरातील सीसीटीव्ही फुटेज तपासले असता त्यामध्ये घटनास्थळी काही तरुण सतत ये जा करत असल्याचे दिसले. त्यानुसार त्यांची ओळख पटवून पोलिसांनी त्यांना ताब्यात घेतले. त्यांच्याकडे चौकशी केली असता त्यांनी तीन दुचाकी चोरी केल्याचे सांगितले. त्यांच्याकडून तीनही दुचाकी जप्त करण्यात आल्या आहेत.
( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
अधिक वाचा –
– आनंदाची बातमी ! प्रधानमंत्री किसान सन्मान निधी योजनेचा २०वा हप्ता २ ऑगस्ट रोजी वितरित होणार
– देहू नगरपंचायतीचे नागरिकांना आवाहन ; मिळकत धारकांनी ‘या’ योजनेचा लाभ घ्यावा । Dehu News
– तळेगाव दाभाडे शहरात राष्ट्रवादी काँग्रेस पक्षाच्या पदाधिकाऱ्याच्या घराबाहेर जादूटोण्याचा प्रकार; घटना सीसीटीव्हीत कैद
– चाकण, नाशिक फाटा येथील वाहतूक कोंडी सोडवण्यासाठी तातडीने उपाययोजना कराव्यात; मंत्रालयात विशेष बैठक संपन्न
