Dainik Maval News : मावळ तालुक्यातील उर्से गावात एका परप्रांतीय तरुणाची त्याच्याच चुलत भावाने हत्या केल्याची धक्कादायक घटना समोर आली आहे. दोन्ही तरुण मूळचे झारखंड राज्यातील असून हत्येनंतर आरोपी फरार झाला असून पोलीस त्याचा शोध घेत आहेत.
लोकेश जगदीश निषाद असे खून झालेल्या तरूणाचे नाव आहे. तर आरोपी डिकेश ओलकर निषाद हा फरार आहे. पोलिसांनी दिलेल्या माहितीनुसार, दोघा भावांमध्ये गेल्या काही दिवसांपासून वाद सुरू होता. त्या वादाचे पर्यावसन होऊन रागाच्या भरात चुलत भावानेच तरुणाचा जीव घेतला.
दोघेही तरुण 11 फेबुवारी रोजी पुण्यातून उर्से येथे एका इमारतीत भाड्याने राहण्यासाठी आले होते. ते एकाच इमारतीत वेगवेगळ्या मजल्यांवर राहत होते. 12 फेबुवारी रोजी कामावरून परतल्यानंतर दोघांमध्ये वाद झाल्याचे सांगितले जात आहे. त्यानंतर उर्से गावातील विठ्ठल मंदिराजवळ तरुणाचा मृतदेह आढळून आला.
ह्या घटनेनंतर परिसरात खळबळ उडाली आहे. घटनेनंतर आरोपी फरार आहे. पोलिसांनी घटनास्थळी भेट देऊन पंचनामा केला असून, तपास सुरू आहे.
( दैनिक मावळचा व्हॉट्सअॅप चॅनेल जॉइन करण्यासाठी इथे क्लिक करा )
अधिक वाचा :
– शेतजमिनीवर बांधकामासाठी अकृषक (एन.ए.) परवानगीची अट रद्द, बांधकाम आराखडा हीच परवानगी ; जमीन महसूल कायद्यात महत्त्वाची सुधारणा
– राज्यात लवकरच ७० हजार पदांची नोकरभरती, नव्या पद्धतीने होणार भरती ; मुख्यमंत्री देवेंद्र फडणवीस यांची घोषणा
– महाशिवरात्रीसाठी श्री भीमाशंकर मंदिर बंद राहणार ; भव्य सभामंडप उभारणीचे काम व परिसर विकासकामे वेगात सुरू
– लोणावळ्यात नाश्त्यासाठी थांबला अन् फेरफटका मारायला गेला.. प्रसिद्ध कलाकाराच्या एकुलत्या एक मुलाचा दुर्दैवी मृत्यू
