Dainik Maval News : कार्ला येथे एकविरा देवीच्या दर्शनासाठी चाललेल्या मित्रांच्या ग्रुपमधील एका दुचाकीला अज्ञात दुचाकी चालकाने धडक दिल्याने तरूणी गंभीर जखमी झाल्याची घटना म्हाळुंगे येथे घडली आहे. याप्रकरणी ऋषिकेश प्रदीप पवार (वय २०, रा. शिक्रापूर ता.शिरूर) यानी फिर्याद दिली आहे.
त्यानुसार अज्ञात दुचाकी चालक (दुचाकी क्र. एमएच १४ एचसी ८५५७) याच्यावर म्हाळुंगे एमआयडीसी पोलिसांत भारतीय न्याय संहीता कायदा कलम २८१, १२५ (ए), १२५(बी) आणि मो.वा.का.क. १८४ प्रमाणे गुन्हा दाखल करण्यात आला आहे. रविवारी (दि.६) रोजी बजाज कंपनी समोर म्हाळूंगे (ता. खेड) येथे हा अपघात घडला.
पोलिसांनी दिलेल्या माहितीप्रमाणे, फिर्यादी हे त्यांच्या मित्रांसमवेत फिरण्यासाठी एकविरा देवी कार्ला इकडे मोटारसायकलने चालले होते. त्यावेळी चाकण बाजूकडून तळेगावचे दिशेने एक कंटेनर येत होता. त्या कंटेनरला ओव्हरटेक करून आरोपीत मोटरसायकल चालक याने कंटेनरला ओव्हरटेक करत असताना भरधाव वेगाने आला. व त्याने स्वतःच्या ताब्यातील मोटरसायकल हात सोडून चालवित फिर्यादी यांच्या दुचाकीला कट मारून फिर्यादीचा मित्र राहूल बिलपे याच्या दुचाकीला धडक दिली. यात दुचाकीवरील तरुणी गंभीर जखमी झाली. पोलीस उपनिरिक्षक मुल्ला हे प्रकरणात अधिक तपास करीत आहेत.
( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअ‍ॅप चॅनेलवर )
अधिक वाचा –
– अवैध दारूअड्ड्यांवरील छाप्यात सव्वासतरा लाखांचा मुद्देमाल जप्त, राज्य उत्पादन शुल्क विभागाची कारवाई । Pune News
– मंगळवार ठरला अपघातवार, अवघ्या सव्वा तासात द्रुतगती मार्गावर तीन वेगवेगळे अपघात । Mumbai Pune Expressway
– आमदार सुनिल शेळकेंच्या हस्ते गुरुवारी तळेगाव दाभाडे शहरातील विकासकामांचे भूमिपूजन व लोकार्पण सोहळा । Talegaon Dabhade
