पुणे ते छत्रपती शिवाजी महाराज टर्मिनस दरम्यान धावणाऱ्या मुंबई सिंहगड एक्सप्रेस या ट्रेनला पूर्वी 19 कोचेस होते. त्यावेळी या ट्रेनची आसनसंख्या 1908 इतकी होती. मात्र एलएलबी मॉडर्न टेक्नॉलॉजीचे डबे जोडत असताना या ट्रेनच्या कोचची संख्या 14 तर आसनसंख्या 1300 इतकी कमी केली.
दैनिक मावळचा व्हॉट्सअॅप ग्रुप जॉइन करण्यासाठी इथे क्लिक करा
पुणे-मुंबई अपडाऊन करणारे शेकडो प्रवासी दररोज या ट्रेनने प्रवास करत असल्यामुळे पिंपरी-चिंचवडमधील प्रवाशांची गैरसोय होऊ लागली. त्यामुळे पिंपरी व चिंचवड स्टेशनवरून ही गाडी पकडणाऱ्या प्रवाशांसाठी या ट्रेनला दोन विशेष डबे जोडण्यात यावेत, अशी मागणी खासदार श्रीरंग बारणे आणि प्रवासी संघटनेच्या माध्यमातून केंद्रीय रेल्वे मंत्री अश्विनी वैष्णवजी यांच्याकडे करण्यात आली होती.
या मागणीला यश मिळालं असून रेल्वेकडून पिंपरी चिंचवडच्या प्रवाशांसाठी या ट्रेनला दोन राखीव डबे जोडण्यात आले आहेत. हा आनंदोत्सव साजरा करण्यासाठी चिंचवड रेल्वे स्थानकावर खासदार बारणे स्वतः उपस्थित राहिले होते. यावेळी सिंहगड एक्सप्रेसमधील प्रवाशांना शुभेच्छा दिल्या, तसेच रेल्वे प्रशासनाचे आभार मानले. ( 2 more coaches added to pune mumbai sinhagad express )
अखेर प्रयत्नांना यश
पुणे ते छत्रपती शिवाजी महाराज टर्मिनस दरम्यान धावणाऱ्या मुंबई सिंहगड एक्सप्रेस या ट्रेनला पूर्वी १९ कोचेस होते आणि त्यावेळी या ट्रेनची आसनसंख्या १९०८ इतकी होती. मात्र एलएलबी मॉडर्न टेक्नॉलॉजीचे डबे जोडत असताना या ट्रेनच्या कोचची संख्या १४ तर आसनसंख्या १३००… pic.twitter.com/4jI96mypfL
— Shrirang Appa Barne (@MPShrirangBarne) June 12, 2023
रेल्वेचे व्यवस्थापक डॉ. मिलींद हिरवे, रेल्वे प्रवासी संघटनेचे अध्यक्ष इक्बाल मुलानी, रेल्वे सल्लागार समिती सदस्य बशीर सुतार, दिपक शेगर, बबन साबळे आदी मान्यवर यावेळी उपस्थित होते.
अधिक वाचा –
– ‘ज्ञानोबा माऊली’च्या जयघोषात श्री ज्ञानेश्वर महाराजांच्या पालखीचे आळंदीहून पंढरपूरच्या दिशेने प्रस्थान । आषाढी वारी 2023
– “वारकरी बांधवांवर झालेल्या पोलीस लाठीमाराची घटना क्लेशदायक, वारीच्या इतिहासात असं यापूर्वी कधी घडलं नव्हतं”
