‘आजच्या जगात प्रत्येक घटकात आपल्याला विज्ञान पाहण्यास मिळते. अशी एकही गोष्ट नाही जिथे विज्ञान आणि गणित नाही. विज्ञानाने दैनंदिन जीवन व्यापून टाकले असले तरी अंधश्रद्धेचा पगडा आजही कायम आहे. आपण विज्ञानदिन साजरा करतो हे तर महत्त्वाचे आहेच, परंतू आपण ते आचरणात आणणे देखील तेवढेच महत्त्वाचे आहे,’ असे मत संकल्प शिक्षण प्रसारक मंडळाचे संस्थापक सचिव लक्ष्मण भालेराव यांनी व्यक्त केले. संकल्प इंग्लिश स्कूल आयोजित विज्ञान प्रदर्शन प्रसंगी प्रमुख अतिथी म्हणून ते बोलत होते. ( मावळ, पिंपरी-चिंचवड, पुणे परिसरातील ताज्या अपडेट्ससाठी दैनिक मावळचा व्हॉट्सअॅप चॅनेल जॉईन करा )
राष्ट्रीय विज्ञान दिनाचे (दि. 28 फेब्रुवारी) औचित्य साधून शाळेत विद्यार्थ्यांनी बनविलेल्या विज्ञान आणि गणित विषयावरील प्रकल्पाचे प्रदर्शन भरविण्यात आले होते. यामध्ये हायड्रॉलिक, इलेक्ट्रिक, शेतीविषयक, अवकाशविषयक,औषधीविषयक, गणितविषयक अनेक प्रकल्प विद्यार्थ्यांनी सादर केले. त्यात विद्यार्थ्यांनी बनविलेला गणित उद्यान हा प्रकल्प उपस्थितांना खूप आवडला. अशाच पद्धतीचे उद्यान आपल्या गावातही तयार करण्याचा मानस या प्रसंगी काले पवनानगरचे सरपंच खंडू कालेकर यांनी व्यक्त केला. ( 28th February Science Day Celebrated at Sankalp English School Pavananagar )
कार्यक्रमाला संचालक डॉ. संजय चौधरी, केंद्रप्रमुख डेंगळे सर, उपसरपंच रमेश कालेकर, माजी उपसरपंच अतुल कालेकर, उद्योजक मंगेश कालेकर, उद्योजक श्रीराम मोहोळ, ग्रामपंचायत सदस्य उत्तम चव्हाण आदी मान्यवर मंडळी आणि पालक मोठय़ा संख्येने उपस्थित होते. काले केंद्रातील इतर शाळांनी देखील प्रदर्शनास भेटी दिल्या. कार्यक्रम यशस्वीतेसाठी मुख्याध्यापक राहुल सोनवणे यांच्या मार्गदर्शनाखाली नीता कालेकर, सोनल गांधी, बाळू कदम, कैलास येवले, मीनाक्षी शिवणेकर,आशा बोरकर, प्रियांका येवले, सुजाता वाघेरे, मोना गांधी यांनी विशेष मेहनत घेतली.
अधिक वाचा –
– स्वीडनहून थेट मावळात..! शिळींब गावात आले परदेशी पाहुणे, गावकऱ्यांनी ढोल ताशाच्या गजरात केले स्वागत । Maval News
– मावळमधील डोंगरी भागातील शेतकऱ्यांना शेळीपालन विषयी प्रशिक्षण; शिबिरार्थी 554 शेतकऱ्यांना शेती अवजारांचे वाटप । Maval News
– मावळ तालुक्यातील आदिवासी पाड्यांवरील महिलांना व्यसनमुक्तीवर मार्गदर्शन; इनर व्हील क्लबचा स्तुत्य उपक्रम
