Dainik Maval News : तळेगाव दाभाडे नगर परिषद, वन्यजीव रक्षक मावळ संस्था आणि भटकंती ग्रुप यांच्या संयुक्त विद्यमाने तळेगाव दाभाडे नगर परिषद हद्दीतील बामणडोह या विहिरीचे संवर्धन करण्याचे काम हाती घेण्यात आले आहे.
त्यानुसार सर्वात आधी विहिरीच्या आजूबाजूचा परिसर स्वच्छ करण्यात आला. तसेच विहिरीच्या परिसरात वाढलेले गवत देखील काढून घेण्यात आले. विहिरीची आंतरिक सफाई करत असताना पाण्यावर तरंगणारा कचरा प्रथमतः उपस्थितांच्या समन्वयाने काढून घेण्यात आला. या सोबतच विहिरीच्या पाण्यातील गाळाचा विद्युत यंत्राच्या साहाय्याने उपसा करण्यात आला.
प्रसंगी भटकंती ग्रुप, शिव प्रतिष्ठान ग्रुप, वन्यजीव रक्षक मावळ संस्था यांचे मोलाचे सहकार्य लाभले. मुख्याधिकारी विजयकुमार सरनाईक यांच्या मार्गदर्शनाखाली माझी वसुंधरा अभियानाची प्रभावी अंमबजावणी करण्याच्या हेतूने जल या पंचतत्वांतर्गत बामणडोह या ऐतिहासिक विहिरीचे जतन व संवर्धन करण्याचे नियोजित करण्यात आले. या सोबतच मुख्याधिकारी यांनी शहरातील अन्य ऐतिहासिक विहिरीचे पुनर्जीवन करण्याबाबतचा कृती आराखडा तयार केला आहे.
तळेगाव दाभाडे शहरातील बामणडोह ही विहीर सुमारे ३०० ते ३५० वर्ष इतकी पुरातन आहे. विहिरीचा आकार बऱ्याचअंशी महादेवाच्या पिंडी सारखा भासतो. या ठिकाणी अजूनही मोटा वरती बैलांची धावपट्टी व दगडी पाण्याचा पाट असण्याची खूण मिळते. सदर विहिरीस राज वारसा असल्या कारणाने ऐतिहासिक वास्तू जपणे ही काळाची गरज आहे. त्याच अनुषंगाने तळेगाव दाभाडे शहरातील भटकंती ग्रुप, शिव प्रतिष्ठान ग्रुप, वन्यजीव रक्षक मावळ संस्था आणि तळेगाव दाभाडे नगर परिषद यांच्या अथक प्रयत्नाने बामणडोह या विहिरीचे जतन व संवर्धन करण्यात आले.
( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
अधिक वाचा –
– अनाधिकृत नळजोड धारकाला वीस हजाराचा दंड, उघड्यावर कचरा टाकल्यास एक हजाराचा दंड, नगरपंचायतीचा निर्णय । Dehu News
– कचऱ्यातील नारळापासून कोकोपीट खताची निर्मिती ; तळेगाव नगरपरिषदेचा पर्यावरणपूरक उपक्रम । Talegaon Dabhade
– चौकाचौकात वाहतूक कोंडी ! वाहतूक कोंडीमुळे पर्यटकांसह मावळातील स्थानिक नागरिक त्रस्त । Maval News
