मावळचे खासदार श्रीरंग बारणे यांच्या पुढाकारातून ‘शासन आपल्या दारी, जत्रा शासकीय योजनांची’ या वडगाव येथे घेतलेल्या उपक्रमाला नागरिकांचा मोठा प्रतिसाद मिळाला. एकूण 1 हजार 83 नागरिकांनी एकाच छताखाली कोणतेही शुल्क न देता विविधता दाखले, लाभ मिळविले. शेतकऱ्यांना ट्रॅक्टरचे वाटप करण्यात आले, बचतगटांना अनुदान, गर्भवतींना माता किटचे वाटप करण्यात आले.
दैनिक मावळचा व्हॉट्सअ‍ॅप ग्रुप जॉइन करण्यासाठी इथे क्लिक करा
खासदार बारणे यांच्या मार्गदर्शनाखाली वडगाव मावळ येथील भेगडे लॅानमध्ये सोमवारी (दिनांक 5 जून) शासन आपल्या दारी हा कार्यक्रम घेतला. कार्यक्रमास प्रांताधिकारी सुभाष बागडे, तहसिलदार विक्रम देशमुख ,कृषी आधिकारी दत्ता पडवळ, गटविकास अधिकारी सुधिर भागवत, माजी सभापती गुलाबराव म्हाळसकर, भाजपचे तालुकाध्यक्ष रविंद्र भेगडे, शिवसेनेचे तालुका प्रमुख राजेश खांडभोर, शांताराम कदम, मुरलिधर मोहोळ, सुनिल हगवणे, सुनिल मोरे, धनंजय नवघणे यांच्यासह नागरिक व लाभार्थी मोठ्या संख्येने उपस्थित होते. ( shasan aplya dari programm at vadgaon maval )
केंद्र सरकार, राज्य सरकारच्या विविध योजनांचा लाभ घेण्याकरिता नागरिकांना विविध दाखल्यांची आवश्यकता असते. यासाठी नागरी सुविधा केंद्र आणि अन्य शासकीय कार्यालयांमध्ये हेलपाटे मारावे लागतात. दाखल्याअभावी नागरिक योजनांच्या लाभापासून वंचीत राहतात. त्यामुळे मुख्यमंत्री एकनाथ शिंदे आणि उपमुख्यमंत्री देवेंद्र फडणवीस यांनी मतदार संघनिहाय ‘शासन आपल्या दारी’ हा उपक्रम प्रभावीपणे राबवण्यास सुरूवात केली आहे.
मावळमधील नागरिकांना केंद्र आणि राज्य सरकारच्या योजनांचा थेट लाभ मिळावा, यासाठी 'शासन आपल्या दारी' उपक्रमाअंतर्गत आयोजित करण्यात आलेल्या कार्यक्रमात मावळमधील १ हजार ८३ नागरिकांना योजनांचा आणि इतर सोयी-सुविधांचा लाभ मिळवून दिला. नागरिकांच्या सेवेसाठी आम्ही सदैव तत्पर आहोत.… pic.twitter.com/ruoL0kEBqa
— Shrirang Appa Barne (@MPShrirangBarne) June 6, 2023
त्यानुसार खासदार बारणे यांच्या मार्गदर्शनाखाली वडगाव येथे हा उपक्रम राबविण्यात आला. या उपक्रमांतर्गत नागरिकांना तत्काळ दाखले देण्यात आले. एकाच ठिकाणी विविध दाखले मोफत मिळाले. शेतकऱ्यांना ट्रॅक्टर, अवजारे वाटप करण्यात आले, बचतगटांना अनुदान, गर्भवतींना माता किटचे, पोषण आहार, पाठयपुस्तके, राज्यस्तरीय पीक स्पर्धेतील उत्कृष्ट, विजेत्या शेतकऱ्यांना प्रमाणपत्र वाटप करण्यात आले. शेतकऱ्यांना विम्याचा लाभ देण्यात आला.
नागरिकांना विविध योजनांचा लाभ घेण्यासाठीचे दाखले मिळविण्याकरिता सरकारी कार्यालयात खेटा माराव्या लागतात. लोकांना शासनाच्या दारी जायला लागू नये यासाठी मुख्यमंत्री एकनाथ शिंदे, उपमुख्यमंत्री देवेंद्र फडणवीस हे शासनालाच लोकांच्या दारी घेवून जात आहेत. या उपक्रमाच्या माध्यमातून लोकांना विनामोबदला दाखले एकाच छताखाली मिळत आहेत. शासकीय योजनांचा लाभ घेणे सोपे होत आहे. निराधार महिलांना लाभ मिळत आहे. याचा मनस्वी आनंद होत आहे. हा उपक्रम यापुढेही राबविला जाईल. लवकरच मुख्यमंत्री एकनाथ शिंदे यांच्या उपस्थित लोकांना शासकीय योजनांचा लाभ देण्याचा मोठा कार्यक्रम घेतला जाणार आहे.
– श्रीरंग बारणे, खासदार मावळ
हेही वाचा – मावळ बाजार समितीच्या प्रास्ताविक कामासंदर्भात सभापती संभाजी शिंदेंचे अजित पवारांना निवेदन
‘शासन आपल्या दारी, जत्रा शासकीय योजनांची’ या उपक्रमांतर्गत 1 हजार 83 नागरिकांना विविध योजनांचा लाभ, दाखले देण्यात आले. विविध विभागांचे 16 स्टॉल लावले होते. नागरिकांकडून विविध योजनांसाठीचे अर्ज भरून घेण्यात आले. पूर्वी ज्यांनी अर्ज केले होते, त्यांना लाभ देण्यात आला. दाखल्याचे वाटप करण्यात आले.
– विक्रम देशमुख, तहसीलदार मावळ
अधिक वाचा –
– ‘मार्केट यार्डपासून मुळशी तालुक्यात धावणाऱ्या पीएमपीएमएलच्या सर्व गाड्या पूर्ववत सुरू करा’ – खासदार सुप्रिया सुळे
– मोबाईल चोरी करणारे 3 सराईत गजाआड, 13 मोबाईलसह लाखोचा मुद्देमाल जप्त, तळेगाव एमआयडीसी पोलिसांची कारवाई
