पवनानगर : काळाची पावले ओळखून नोकरीच्या मागे न लागता उद्योग व्यावसायात प्रगती करा, जिल्हा बँकेच्या माध्यमातून कृषी पर्यटन केंद्र उभारण्यासाठी भांडवल देण्यासाठी कटीबद्ध असल्याची ग्वाही पुणे जिल्हा मध्यवर्ती सहकारी बँकेचे जेष्ठ संचालक माऊली दाभाडे यांनी दिली. पवन मावळातील ठाकुरसाई येथे उद्योजक रवि ठाकर यांनी उभारलेल्या ट्री एगंल टेण्ट उद्घाटन प्रसंगी ते बोलत होते.
दैनिक मावळचा व्हॉट्सअॅप ग्रुप जॉइन करण्यासाठी इथे क्लिक करा
यावेळी मावळ तालुका कृषी उत्पन्न बाजार समितीचे सभापती संभाजी शिंदे, संचालक नथु वाघमारे, माजी सभापती बबनराव भोंगाडे, संभाजी राक्षे, गोपाळे, गुरुजी, बाळासाहेब मोहोळ, अनंता घरदाळे, संजय मोहोळ, सुधीर घरदाळे, दत्तात्रय ठाकर, विजय ठाकर, प्रकाश ठाकर, नामदेव ठाकर, राजु ठाकर आदीसह ग्रामस्थ उपस्थित होते. ( mauli dabhade inaugarate Tree Angle Tent’ at Thakursai Pavan Maval )
पुणे- मुंबई मध्यवर्ती असलेल्या मावळ तालुक्यात पर्यटनासाठी आवश्यक निसर्ग सौंदर्यता ऐतिहासिक किल्ले धरण परिसर आदींनी मावळला वैभव प्राप्त झाले आहे. तालुक्यातील तरुणांना रोजगार उपलब्ध झाला आहे. आगामी काळात जिल्हा बँकेच्या माध्यमातून कृषी पर्यटन उद्योगाला चालना देण्यासाठी कर्जपुरवठा करणार असून यासाठी तरुणांनी उद्योग व्यावसायात यशस्वी होण्यासाठी चिकाटीने प्रयत्न केले तर आर्थिक परिस्थिती सुधारेल, असे मत दाभाडे यांनी व्यक्त केले.
गोपाळे गुरुजी म्हणाले की, तालुक्यातील तरुणांना पोल्ट्री, ऍग्रो टुरिझम , शेतीपूरक व्यवसाय करण्यासाठी बँकेच्या माध्यमातून माऊली दाभाडे यांनी मार्गदर्शन केले आहे. त्याच्या मार्गदर्शनाने सुमारे 1300 पोल्टी उद्योजक कार्यरत आहेत. तसेच पर्यटनासाठी अनेक तरुण आपल्या उदरनिर्वाहासाठी या व्यावसायात आले आहेत यांना आवश्यक मदत मावळ ऍग्रो माध्यमातून करत आहोत. कार्यक्रमाचे आयोजन दिनेश ठाकर, सूत्रसंचालन संजय मोहोळ, तर आभार दत्तात्रय ठाकर यांनी मानले.
अधिक वाचा –
– डॉक्टर महिलेच्या डोळ्यात मिरची पूड टाकून लुटणाऱ्या दोघांना अटक, सात गुन्ह्यांची उकल
– वडगाव शहरात इयत्ता दहावी व बारावीच्या गुणवंत विद्यार्थ्यांचा शिवप्रतिमा देऊन सत्कार
