केंद्रीय रेल्वे राज्यमंत्री रावसाहेब दानवे हे लोणावळा शहरात आले असता माजी राज्यमंत्री बाळा भेगडे यांनी त्यांचे स्वागत केले. यावेळी बाळा भेगडे यांच्या समवेत माजी पं.स. सभापती गुलाबराव म्हाळसकर, शांताराम कदम, शंकर देशमुख, बाबुलाल गराडे आदी उपस्थित होते. ( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
मावळ तालुक्यातील असंख्य नागरिक लोणावळा ते पुणे असा दररोजचा प्रवास करतात. परंतू, सध्या लोणावळा-पुणे दरम्यानच्या लोकलच्या फेऱ्या कमी असल्यामुळे लोकल प्रवाशांना मोठा त्रास सहन करावा लागतोय. याबाबत बाळा भेगडेंनी मंत्री रावसाहेब दानवे यांच्याकडे चर्चा केली असता, ‘लवकरात लवकर पूर्वीप्रमाणे लोणावळा-पुणे लोकलच्या फेऱ्या सुरु होतील आणि याबाबत आम्ही सकारात्मक निर्णय घेऊ,’ अशी माहिती मंत्री महोदयांनी दिली. ( pune lonavla local railway trips will be as before assurance by minister raosaheb danve )
तसेच, मावळ तालुक्याचे नाव देशभर गाजवणाऱ्या पैलवान प्रतिक शंकर देशमुख याला खेळाडू कोट्यातून केंद्र सरकारच्या रेल्वे खात्यात नोकरी मिळावी, अशी मागणी बाळा भेगडे यांनी रावसाहेब दानवे यांच्याकडे केली. त्यावर, मंत्री दानवे यांनी तत्काळ संबंधित अधिकाऱ्यांना पुढील कार्यवाहीच्या सूचना दिल्या.
अधिक वाचा –
– आमदार सुनिल शेळकेंच्या जलजीवन योजनेत ‘भ्रष्टाचार’ लक्षवेधीनंतर मंत्री गुलाबराव पाटलांची मोठी घोषणा! देखरेख समिती नेमणार
– अवैधरित्या गुटखा विक्री करणाऱ्यांची आता खैर नाही! कामशेतमध्ये पोलिसांकडून अडीच लाखांचा मुद्देमाल जप्त, तिघांना अटक
– मावळ तालुक्यातील कल्हाट आणि निगडे गाव ‘इको-सेन्सिटिव्ह’ झोनमधून वगळा; खासदार श्रीरंग बारणेंची मागणी