नानोली तर्फे चाकण (ता. मावळ) शाळेमध्ये यशवंतराव चव्हाण कला क्रीडा आणि सांस्कृतिक महोत्सवाचे आयोजन करण्यात आले होते. या स्पर्धेतील सर्व विजयी खेळाडूंना बक्षिस आणि टीशर्ट वाटप करण्यात आले. आज बुधवार (दि. 17) रोजी हा सोहळा पार पडला. नानोली तर्फे चाकण ठिकाणी हा कार्यक्रम पार पडला. यावेळी राष्ट्रवादी काँग्रेस पक्षाचे (शरद पवार गट) मावळ तालुका अध्यक्ष दत्तात्रय पडवळ उपस्थित होते. तसेच पुणे जिल्हा शिक्षण मंडळाचे सरचिटणीस राजेश राऊत, महाराष्ट्र राज्य प्राथमिक शिक्षक संघाचे प्रसिद्धीप्रमुख सुहास विटे आदी मान्यवर उपस्थित होते.
‘मावळ तालुक्यातील सर्व विजयी स्पर्धकांनी खिलाडू वृत्तीने तालुक्याचे नाव जिल्ह्यात झळकावे. प्रथम क्रमांक जास्तीत जास्त यावेत, यासाठी एकीची भावना तयार व्हावी. त्यासाठीच आज म्हणून सर्व विद्यार्थ्यांना एक प्रकारचा स्पोर्ट्स ड्रेस देण्यात आला आहे. भविष्यात देखील विद्यार्थ्यांना मदत आणि सहकार्य करण्यासाठी मी कटिबद्ध राहील,’ असे आश्वासन दत्तात्रय पडवळ यांनी यावेळी बोलताना दिले. ( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
स्पर्धा आणि विजयी शाळा :
खो-खो लहान गट मुले – कोंडीवडे शाळा
खो-खो लहान गट मुली – नानोली तर्फे चाकण शाळा
खो-खो मोठा गट मुले – शाळा येलघोल शाळा
खो-खो मोठा गट मुली – अनिर्णीत
कबड्डी लहान गट मुले – वहाणगाव शाळा
कबड्डी लहान गट मुली – थुगाव शाळा
कबड्डी मोठा गट मुले – सुदूंबरे शाळा
कबड्डी मोठा गट मुली – साते शाळा
प्रश्नमंजुषा, 50 मीटर धावणे, 100 मीटर धावणे, गोळा फेक, थाळीफेक, उंच उडी, लांब उडी, वकृत्व स्पर्धा यांत तालुक्यातील लहान-मोठे गटातील विद्यार्थ्यांनी प्रथम क्रमांक पटकावले. ( Taluka Level Sports Competition at Chakan Tarfe Nanoli )
सुहास विटे, राजेश राऊत, संदीप कांबळे, सुरेश पाटील, गेनभाऊ मोरमारे, नितीन वाघमारे, सचिन आम्रुळे, तानाजी शिंदे, जालिंदर जगताप, शशिकांत वायाळ, संजय ठाकर, राजेंद्र शेंडे, सुनील शेडगे, महेश गेंगजे, नवनाथ आडकर, कैलास जगताप, विष्णू मोरे, सुनीता मोरे, अविनाश बधाले, वैभव कारले आदी शिक्षक बहुसंख्येने उपस्थित होते. सरपंच मोनिका शिंदे, उपसरपंच अनिता बोराडे, माजी सरपंच पोपटराव लोंढे, मनीषा मखामले, स्वप्निल शिंदे, सुरेखा लोंढे, कविता काळे, वर्षा शिंदे, काजल गव्हाणे आदी ग्रामस्थही यावेळी उपस्थित होते.
कार्यक्रमाचे सूत्रसंचालन हरिभाऊ आडकर यांनी केले. प्रास्ताविक शालेय व्यवस्थापन समितीचे अध्यक्ष नाथाभाऊ लोंढे यांनी केले. मान्यवरांचे स्वागत तुकाराम केदार यांनी केले. कार्यक्रमाचे आभार तालुक्याचे शिक्षक संघाचे माजी कोषाध्यक्ष सचिन आंब्रुळे यांनी मानले. कार्यक्रम यशस्वी करण्यासाठी शालेय व्यवस्थापन कमिटी नानोली आणि शाळेचे मुख्याध्यापक बबनराव कोळेकर आदर्श शिक्षिका भारती शेटे मॅडम यांनी परिश्रम घेतले.
अधिक वाचा –
– ह.भ.प. डॉ. पंकज महाराज गावडे यांच्या हस्ते देहू गावात श्री देवदर्शन यात्रा समितीच्या दिनदर्शिकेचे प्रकाशन । Dehu News
– बापूसाहेब भेगडेंवर अजित दादांकडून नवी जबाबदारी, थेट राज्य पातळीवर काम करण्याची दिली संधी! । NCP Bapu Bhegade
– लोणावळ्यात शनिवारी होणार ‘इंद्रायणी नदी आणि महापुरुषांच्या पुतळ्यांची स्वच्छता’, IPS सत्यसाई कार्तिक यांचे नागरिकांना आवाहन । Lonavala News