आयोध्या येथे दिनांक 22 जानेवारी रोजी प्रभू श्रीराम मूर्ती प्राणप्रतिष्ठापनेच्या (Ram Lalla Pran Pratishtha) कार्यक्रमाला महाराष्ट्राचे मुख्यमंत्री एकनाथ शिंदे आणि आणि दोन्ही उपमुख्यमंत्री उपस्थित राहणार असून राज्य सरकारकडून (Maharashtra Government) त्या दिवशी सार्वजनिक सुट्टी (Public Holiday) जाहीर करण्यात आली आहे. येत्या 22 जानेवारी रोजी हिंदू धर्मियांचे अराध्य प्रभू श्रीराम यांच्या मूर्तीचा प्राणप्रतिष्ठा सोहळा आणि मंदिर लोकार्पण सोहोळा अयोध्येत होणार आहे. तब्बल 500 वर्षांनंतर प्रभू श्रीराम त्यांच्या अयोध्येतील मंदिरात विराजित होणार आहेत. या सोहळ्यासाठी संपूर्ण देश सज्ज झाला आहे. याच पार्श्वभूमीवर राज्यात सोमवारी, दि. 22 जानेवारीला सुट्टी जाहीर करण्यासाठी अनेक विधीमंडळ सदस्यांनी निवेदन दिले होते. त्यामुळे राज्य सरकारकडून एकदिवसीय सार्वजनिक सुट्टीचा निर्णय घेण्यात आल्याचे समजत आहे. ( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअ‍ॅप चॅनेलवर )
केंद्र सरकारने दिनांक 22 जानेवारीला केंद्र सरकारी कर्मचाऱ्यांना अर्ध्या दिवसाची सु्ट्टी जाहीर केली. त्यानंतर आता महाराष्ट्र सरकारनेही सार्वजनिक सुट्टी जाहीर केली आहे. सोमवारी म्हणजे 22 जानेवारीला सरकारी आणि खाजगी कार्यालये, शाळा-कॉलेजला सुट्टी असेल. अनेक नेत्यांनी मुख्यमंत्र्यांकडे राज्यात सु्टटी जाहीर करण्याची मागणी केली होती. येत्या 22 जानेवारीला अयोध्येत रामलल्लाची प्राण प्रतिष्ठा केली जाणार आहे. हा सोहळा देशभरात उत्साहात साजरा केला जाणार आहे. सोहळा सर्वांना पाहाता यावा यासाठी 22 जानेवारीला महाराष्ट्रात सार्वजनिक सुट्टी जाहीर करण्यात आली आहे. ( maharashtra government announced public holiday on 22nd january 2024 )
अनेक राज्यांमध्ये अगोदरच सुटी जाहीर –
आयोध्यातील सोहळ्याच्या पार्श्वभूमीवर अनेक राज्यांनी सार्वजनिक सुट्टी जाहीर केली आहे. 22 जानेवारीला राम मंदिर ‘प्राणप्रतिष्ठा’ सोहळ्याच्या पार्श्वभूमीवर उत्तर प्रदेशातील शैक्षणिक संस्था बंद राहणार आहेत. शैक्षणिक संस्थांनाही सुट्टी देण्यात आली आहे. मुख्यमंत्री मोहन यादव यांनी मध्य प्रदेशात 22 जानेवारीला शाळांना सुट्टी जाहीर केली आहे. राज्यात दारू आणि भांग विक्रीच्या दुकानांसह सर्व प्रकारची दुकानं बंद ठेवण्याचेही आदेश दिले आहेत. गोवा सरकारने 22 जानेवारीला सर्व सरकारी कर्मचारी आणि शाळांना सुट्टी जाहीर केली आहे. छत्तीसगडचे मुख्यमंत्री विष्णू देव साई यांनी राज्यातील सर्व सरकारी शाळा आणि महाविद्यालयांना सुट्टी जाहीर केली आहे. हरियाणा सरकारनेही राम मंदिर उद्घाटनाच्या पार्श्वभूमीवर 22 जानेवारीला शाळा बंद ठेवण्याची घोषणा केली आहे.
अधिक वाचा –
– पंतप्रधान मोदींच्या आवाहनाला प्रतिसाद देत बाळा भेगडे आणि पदाधिकाऱ्यांकडून तळेगावमधील मंदिरांची स्वच्छता । Talegaon News
– आदित्य ठाकरे रविवारी मावळ तालुक्यात येणार, ‘या’ ठिकाणी होणार शिवसेनेचा जाहीर मेळावा । Aditya Thackeray Maval Visit
– द्रुतगती मार्गावर भल्या पहाटे गंभीर अपघात, दोन जणांचा जागीच मृत्यू । Mumbai Pune Expressway Accident
