लोणावळा उपविभागीय पोलिस अधिकारी तथा सहायक पोलिस अधीक्षक सत्यसाई कार्तिक यांच्या संकल्पनेतून सुरू असलेल्या ‘वारसा स्वच्छतेचा-मावळा शिवरायांचा’ या मोहिमेअंतर्गत पुणे ग्रामीण पोलिसांच्या वतीने लोणावळ्यातील छत्रपती शिवाजी महाराज चौक परिसर व सर्व महापुरुषांच्या पुतळ्यांची स्वच्छता करण्यात आली. ( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअ‍ॅप चॅनेलवर )
पुणे ग्रामीणचे पोलिस अधीक्षक अंकित गोयल, अपर पोलिस अधीक्षक मितेश घट्टे यांच्या मार्गदर्शनाखाली वारसा स्वच्छतेचा-मावळा शिवरायांचा, गड किल्ले स्वच्छता अभियान आणि इंद्रायणी नदी व महापुरुषांच्या पुतळ्यांची स्वच्छता अभियान राबविण्यात येत आहे. छत्रपती शिवाजी महाराज चौकातून या अभियानास सुरुवात करण्यात आली. केवळ एका दिवसापुरते मर्यादित न राहता लोणावळ्यातील सर्व प्रभागांमध्ये नियमित स्वच्छता अभियान राबविण्यात येईल. त्याचबरोबर इंद्रायणी नदीचे स्वच्छता आणि पावित्र्य जपण्याकडेही लक्ष देण्यात येईल, असे सत्यसाई कार्तिक आणि मुख्याधिकारी अशोक साबळे यावेळी म्हणाले. ( Chhatrapati Shivaji Maharaj Chowk Area And Statues Of Freedom Fighter Cleaned In Lonavala )
नागरिकांसह आयएनएस शिवाजी, सिंहगड महाविद्यालय, डी. वाय. पाटील विद्यालयातील विद्यार्थी, वडगावचे पोलिस निरीक्षक कुमार कदम, कामशेतचे पोलिस निरीक्षक रवींद्र पाटील, लोणावळा ग्रामीणचे पोलिस निरीक्षक किशोर धुमाळ, लोणावळा शहरचे पोलिस निरीक्षक सीताराम डुबल, मुख्याधिकारी अशोक साबळे, उपमुख्याधिकारी शरद कुलकर्णी, पोलिस कर्मचारी, लोणावळा नगरपरिषद कर्मचारी, सामाजिक संस्था आणि नागरिक मोठ्या संख्येने उपस्थित होते.
अधिक वाचा –
– Breaking! पुणे – लोणावळा रेल्वे मार्गावर मेगाब्लॉक, 14 फेऱ्या रद्द, लगेच पाहा वेळापत्रक । Mega block on Pune Lonavala Railway Route
– मावळमध्ये केंद्र स्तरावरील जवाहर नवोदय परीक्षा सुरळीत, तालुक्यातील 637 विद्यार्थ्यांनी दिली परीक्षा । Jawahar Navodaya Exam
– आनंदाची बातमी! कामशेतमध्ये होणार तलाठी आणि मंडल अधिकाऱ्यांची कार्यालये, ‘या’ 9 गावांतील नागरिकांना मोठा दिलासा । Maval News
