भव्य बैलगाडा शर्यत.. कुस्तीचा जंगी आखाडा आणि मनोरंजनाची मेजवानी! टाकवे गावच्या यात्रेला जल्लोषात सुरुवात

मावळ तालुक्यातील मोठ्ठे आणि पुढाऱ्यांचे गाव असलेल्या टाकवे बुद्रुक गावची यात्रा दरवर्षी प्रमाणे यंदाही मोठ्या जल्लोषात सुरु झाली आहे. यंदा उत्सव समितीने अनेक कार्यक्रमाचे नियोजन केले असून त्यात भव्य बैलगाडा शर्यत, कुस्त्यांचा जंगी आखाडा, मनोरंजनाचे कार्यक्रम असे भरगच्च कार्यक्रम आहेत. बुधवारी (दि. 14) वसंत पंचमीच्या शुभमुहूर्तावर गावातील मुख्य मंदीरातील श्री विठ्ठल रुक्मिणी मुर्ती प्राणप्रतिष्ठा कार्यक्रम संपन्न झाला. ह.भ.प. गुरुवर्य वैराग्यमूर्ती शंकर महाराज मराठे भामचंद्र निवासी ह्यांच्या शुभहस्ते प्राणप्रतिष्ठा कार्यक्रम झाला आणि जत्रेला खऱ्या अर्थाने सुरुवात झाली. ( मावळ, पिंपरी-चिंचवड, पुणे परिसरातील ताज्या अपडेट्ससाठी दैनिक मावळचा व्हॉट्सअ‍ॅप चॅनेल जॉईन करा )

रविवार (दि. 11) या दिवशी श्री विठ्ठल-रुक्मिणी यांच्या मूर्तीची गावातून भव्य मिरवणूक काढण्यात आली. त्यात गावातील सर्वजण सहभागी झाले होते. रथ, ढोल ताशे, बॅन्जो, उंट, घोडे हे मिरवणूकीचे प्रमुख आकर्षण होते. महिलांनी आणि पुरुषांनी पारंपारिक पोषाक परिधान केले होते. महिला मंडळींनी डोक्यावरती तुळशी घेऊन, फेर धरून अभंग गात होत्या. लहानांपासून ते वृद्धांपर्यंत सर्व भाविक मिरवणूकीत सहभागी झाले होते. (Vitthal Rukmini Idol Pran Pratistha and Yatra in Takve Budruk village Andar Maval)

टाकवे गावची यात्रा ही वसंत पंचमीच्या मुहूर्तावर सुरु होते. श्री विठ्ठल रुक्मिणी मुर्ती प्राणप्रतिष्ठा नंतर दरवर्षीप्रमाणे इतरही कार्यक्रमांचे नियोजन करण्यात आले आहे. आंदर मावळ परिसराची आर्थिक राजधानी असा टाकवे गावचा नावलौकिक आहे. त्यामुळे टाकवे गावच्या यात्रेला पंचक्रोशीतील नागरिक येतात. बैलगाडा मालक बैलगाडा शौकीन पैलवान यात्रेला हजेरी लावतात. तत्पूर्वी सात दिवस अगोदर अखंड हरिनाम सप्ताहात वारकरी मंडळी भेटी देतात. त्यावेळी संपूर्ण मंदिर पुर्ण परिसरात भक्तिमय वातावरण असते. यंदा गावातील मुख्य मंदिरातील श्री विठ्ठल रुक्मिणी मुर्ती प्राणप्रतिष्ठा कार्यक्रम असल्याने दिनांक 14 ते 18 तारखेपर्यंत शुद्ध शाकाहारी जेवण बनवण्याचा निर्णय गावकऱ्यांनी घेतला आहे.

यात्रेत कार्यक्रमाचे भरगच्च नियोजन –
दि-14 श्री विठ्ठल रुक्मिणी मुर्ती प्राणप्रतिष्ठा सोहळा
रात्री मनोरंजनसाठी पवळेवाडी भारुड
दि-15, भव्य बैलगाडा शर्यत,आर्केस्ट्रा
दि-16 भव्य कुस्ती आखाडा,आर्केस्ट्रा
दि-17 भव्य बैलगाडा शर्यत
दि-18 भव्य बैलगाडा शर्यत

अधिक वाचा –
– वडगाव येथे गुरुवारी मावळ तालुक्याची आमसभा! आमसभा म्हणजे काय? आमसभेचे कामकाज कसे चालते? जाणून घ्या । Sunil Shelke Amasabha
– मावळ तालुक्यातील ‘या’ गावात गुरूवारी खादी व ग्रामोद्योग मंडळाच्या विविध योजनांबाबत जनजागृती शिबिराचे आयोजन । Maval News
– तळेगाव येथे केंद्रीय मंत्री नारायण राणे यांच्या हस्ते नवनियुक्त कर्मचाऱ्यांना नियुक्ती पत्रे प्रदान । Talegaon Dabhade