दि इन्स्टिट्यूट ऑफ चार्टर्ड अकाउंटंट्स ऑफ इंडियातर्फे (आयसीएआय) गेल्या नोव्हेंबरमध्ये घेण्यात आलेल्या सीएच्या (Chartered Accountant) अंतिम परीक्षेत मावळ तालुक्यातील टाकवे बुद्रुक येथील वेदांगी नारायण असवले (Vedangi Aswale) पहिल्याच प्रयत्नात उत्तीर्ण झाली आहे. वेदांगीला 800 पैकी 495 गुण प्राप्त झाले असून तिने हे यश पहिल्याच प्रयत्नात मिळवले आहे. देशभरातून 32 हजार 907 विद्यार्थी सीएच्या परीक्षेसाठी बसले होते. आयसीएआयने जाहीर केलेल्या निकालानुसार त्यात केवळ 9.42 टक्के विद्यार्थी उत्तीर्ण झाले आहेत. ( मावळ, पिंपरी-चिंचवड, पुणे परिसरातील ताज्या अपडेट्ससाठी दैनिक मावळचा व्हॉट्सअ‍ॅप चॅनेल जॉईन करा )
वेदांगी ही तळेगाव दाभाडे येथील माउंट सेन्ट अॅन हायस्कूलची त माजी विद्यार्थिनी आहे. मार्च सीबीएसई परीक्षेत तिला 95.40 टक्के गुण मिळाले होते. बी. कॉम. परीक्षेतही तिने 85.56 टक्के गुणांसह ग्रेड ए पल्स (सीजीपीए 8.68) स्कोअर केला. आयसीएआयतर्फे सन 2022 मध्ये घेण्यात आलेल्या राष्ट्रीय परिषदेत वेदांगीने सादर केलेल्या शोध प्रबंधाखातर तिला बेस्ट पेपर प्रेझेंटर अवॉर्ड मिळाले होते. कुडोस अवॉर्ड प्राप्त वेदांगीला अनहेडेड परकीय चलन, वार्षिक आर्थिक अहवाल, लष्करी कामकाजाच्या निविदा, लिस्टेड कंपन्यांचे अहस्तांतरणीय डिबेंचर्स यांचे नियोजन ते पूनर्वलोकनाबाबत आवश्यक असलेल्या भारतीय रिझर्व बँक प्रमाणपत्र प्रमाणीकरणाशी संबंधित कामासाठीही पारितोषिक मिळाले आहे.
“श्री संत तुकाराम शिक्षण प्रसारक मंडळाचे विद्यमान अध्यक्ष तुकाराम असवले व हभप सुभाष असवले यांची पुतणी आणि मावळ तालुका माध्यमिक शिक्षक व शिक्षकेतर सहकारी पतसंस्थेचे अध्यक्ष नारायण असवले व जिल्हा परिषद प्राथमिक शाळा टाकवे बु. मुख्याध्यापिका वंदना नारायण असवले या शिक्षक दाम्पत्याची सुकन्या वेदांगी असवले हिने सी. ए. परीक्षेत उत्तुंग यश संपादन करून टाकवे बुद्रुक व असवले परिवाराचे नाव उज्जवल केले.”
अशाप्रकारे यश संपादन करणारी आंदर मावळातील पहिली चार्टर्ड अकाउंटट्स होण्याचा मान वेदांगीने प्राप्त केला आहे. जिल्हा परिषद शाळेच्या मुख्याध्यापिका वंदना असवले आणि शिक्षक नारायण असवले यांची ती कन्या असून तिने ग्रामीण भागातील विद्यार्थिनींसमोर एक आदर्श ठेवला आहे. (Vedangi Aswale From Andar Maval Division Became Chartered Accountant)
अधिक वाचा –
– कान्हे सोसायटीच्या चेअरमनपदी मावळ राष्ट्रवादी युवक काँग्रेसचे अध्यक्ष किशोर सातकर यांची निवड । Maval News
– हृदयद्रावक घटना! द्रुतगती मार्गावरील कार अपघातात तळेगावमधील एकाच कुटुंबातील दोघांचा मृत्यू, 5 जखमी । Accident on Mumbai Pune Expressway
– ठरलं तर..!! दिनांक 26 फेब्रुवारीपासून राज्याचे अर्थसंकल्पीय अधिवेशन, ‘या’ तारखेला सादर होणार अंतरिम अर्थसंकल्प । Maharashtra Budget Session 2024
