Dainik Maval News : मावळ विधानसभा मतदारसंघातील अपक्ष उमेदवार बापूसाहेब भेगडे यांनी पवन मावळातील गावांमध्ये प्रचारदौरा केला. या दौऱ्यात अनेक गावातील महिलांनी भेगडेंसमोर तक्रारीचा पाढा वाचला. यात गावातील पाणी समस्या, रस्त्याच्या समस्या प्रमुख होत्या. दरम्यान, काही गावात जलजीवन मिशन अंतर्गत केलेली कामे अर्धवट व निकृष्ट दर्जाची झाली असल्याच्या तक्रारी काही महिलांनी केली.
बापूसाहेब भेगडे यांनी जवन नं १-२-३, अजिवली, वाघेश्वर, कादव, शिळींब, चावसर, विठ्ठलवाडी, मोर्वे, तुंग, कोळे चाफेसर, आतवन, टायगर पॉईंट, ओळकाईवाडी, कुसगाव, कुसगाववाडी, औंढोली, औंढे, डोंगरगाववाडी, डोंगरगाव, केवरे वसाहत आदी गावांना भेटी देत प्रचार केला. यावेळी महिलांनी औक्षण करीत नक्की विजयी व्हाल असे आशीर्वाद दिले.
यावेळी माजी मंत्री बाळाभाऊ भेगडे, माजी सभापती माऊली दळवी, भाजपा मावळ तालुकाध्यक्ष भाऊसाहेब गुंड, मनसेचे तालुकाप्रमुख रुपेश म्हाळसकर, शिवसेना तालुकाप्रमुख आशिष ठोंबरे, भाजपा युवा मोर्चाचे माजी तालुकाध्यक्ष बाळासाहेब घोटकुले, माजी जिल्हा परिषद सदस्य गुलाबराव वरघडे, राष्ट्रवादी युवक काँग्रेसचे जिल्हाध्यक्ष सचिन घोटकुले, नरेंद्र ठाकर,गणेश धानिवले,नामदेव पोटफोडे, नंदकुमार धनवे, सरपंच नारायण बोडके, संदिप पाठारे आदी उपस्थित होते.
पाणी प्रश्न गंभीर असून माता भगिनींचे पाण्याअभावी प्रचंड हाल होत आहेत. आमदार शेळके पाण्याचा प्रश्न सोडवण्यात अपयशी ठरले आहेत. जलजीवन मिशन अंतर्गत केलेली कामेही अर्धवट व निकृष्ट दर्जाची केली आहेत. नागरिकांना पाण्याच्या गैरसोयीला सामोरे जावे लागत आहे. पैशापुढे यांना जनतेची सुख-दुःखेही दिसेनाशी झाली आहेत. मावळ तालुक्याचा सर्वांगीण विकास हे आपले ध्येय आहे. – बापूसाहेब भेगडे, अपक्ष उमेदवार
( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअ‍ॅप चॅनेलवर )
अधिक वाचा –
– तळेगाव दाभाडे शहरात पोलिसांचा रूट मार्च ; मावळ विधानसभेचे प्रमुख उमेदवार तळेगाव शहरात असल्याने विशेष दक्षता
– मुंबई-पुणे द्रुतगती मार्गावर चार वाहनांचा विचित्र अपघात ; चालक जागीच ठार । Accident On Mumbai Pune Expressway
– ‘मी कधीही श्रेय घेतलं नाही, विकासकामांचे भूमिपूजन – उद्घाटन देखील ज्येष्ठांच्या महिलांच्या हस्तेच केलंय’ – आ. शेळके
