महाराष्ट्र राज्य उत्पादन शुल्क विभागाने तळेगाव दाभाडे येथे छापा टाकून सुमारे 87 लाख 89 हजार 529 रुपये किमतीच्या विदेशी मद्यासह 1 कोटी 5 लाख 7 हजार 520 रुपये किमतीचा मुद्देमाल जप्त केला आहे.
तसेच, वाहन चालक प्रवीण परमेश्वर पवार (वय 24, रा. तांबोळे, ता. मोहोळ), देविदास विकास भोसले (वय 29, रा. खवणी, ता. मोहोळ) यांना अटक करून त्यांच्या विरुद्ध गुन्हा दाखल करण्यात आला आहे. ( State Excise Department Seized Foreign Liquor Worth Above 1 Crore At Talegaon Dabhade )
दैनिक मावळचा व्हॉट्सअॅप ग्रुप जॉइन करण्यासाठी इथे क्लिक करा
जुन्या पुणे-मुंबई महामार्गावर हॉटेल शांताई समोर रस्त्यावर विभागाने सापळा रचून ही कारवाई केली. यात गोवा राज्यनिर्मित आणि केवळ गोवा राज्यात विक्रीला असलेला विदेशी मद्याचा साठा घेऊन जाणारा ट्रक जप्त करण्यात आला. तसेच या ट्रकमधील विदेशी मद्याची 1267 खोकी जप्त करण्यात आली. मद्य आणि वाहनासह इतर जप्त मुद्देमालाची किंमत 1 कोटी 5 लाख 7 हजार 520 रुपये आहे, अशी माहिती राज्य उत्पादन शुल्क विभागाचे अधीक्षक चरणसिंह राजपूत यांनी दिली.
अधिक वाचा –
– मोठी बातमी! मुंबई-पुणे द्रुतगतीमार्गावर खोपोलीजवळ भरधाव ट्रकची धडक, अनेक वाहनांचा अपघात
– लव्ह मॅरेजनंतरही दुसरीवर जीव जडला, दुसऱ्यांदा लव्ह मॅरेज करण्यासाठी पत्नीसोबत केले भयानक कृत्य